പട്ടഞ്ചേരി: പഞ്ചായത്തിൽ മത്സ്യക്കുഞ്ഞുങ്ങളുടെ ഒന്നാംഘട്ട വിതരണം പൂർത്തീകരിച്ചു. പഞ്ചായത്ത് പ്രസിഡന്റ് പി.എസ്.ശിവദാസ് വിതരണോദ്ഘാടനം നിർവ്വഹിച്ചു. വൈസ് പ്രസിഡന്റ് അനില മുരളീധരൻ അദ്ധ്യക്ഷത വഹിച്ചു. യോഗത്തിൽ ഗ്രാമ അക്വാകൾച്ചർ പ്രമോട്ടർ കെ.അനുപമ,​ വാർഡ് മെമ്പർ അനന്തകൃഷ്ണൻ,​ സതീഷ് ചോഴിയക്കാട്,​ പ്രൊമോട്ടർ ആർ.രാഹുൽ എന്നിവർ സംസാരിച്ചു. ഒന്നാംഘട്ടത്തിൽ പൊതുകുളങ്ങളിൽ 6 കർഷകർക്കായി 4.068 ഹെക്ടറിൽ 30460 കുഞ്ഞുങ്ങളും സ്വകാര്യകുളങ്ങൾ ഉള്ള 85 കർഷകർക്ക് 33.412 ഹെക്ടർ വിസ്തൃതിയിൽ 250420 മത്സ്യക്കുഞ്ഞുങ്ങളും വിതരണം ചെയ്തു.