പത്തനംതിട്ട: എസ്എൻഡിപി യോഗം പത്തനംതിട്ട യൂണിയന്റെ നേതൃത്വത്തിൽ ജില്ലാ ആസ്ഥാനത്ത് നടക്കുന്ന ശ്രീനാരായണ ജയന്തി ആഘോഷത്തിന്റെ നടത്തിപ്പിനായി വനിതാ സംഘം, യൂത്ത് മൂവ്മെന്റ് ഭാരവാഹികളുടെയും, ശാഖാ ഭാരവാഹികളുടെയും യോഗം ചേർന്ന് വിവിധ സബ് കമ്മിറ്റികൾ രൂപീകരിച്ചു. ജയന്തി ആഘോഷത്തിന്റെ ഭാഗമായി 17, 18 തീയതികളിൽ സന്ദേശ ജാഥകൾ നടക്കും. ജയന്തി ആഘോഷ ഘോഷയാത്രയിൽ വനിതാ സംഘത്തിന്റെ 170 വനിതകൾ പങ്കെടുക്കുന്ന പ്രത്യേക റാലിയും ക്രമീകരിച്ചിട്ടുണ്ട്. യോഗം യൂണിയൻ പ്രസിഡന്റ് കെ.പത്മകുമാർ ഉദ്ഘാടനം ചെയ്തു. യൂണിയൻ സെക്രട്ടറി ഡി.അനിൽകുമാർ, യോഗം അസിസ്റ്റൻസ് സെക്രട്ടറി ടി.പി സുന്ദരേശൻ, യൂണിയൻ വൈസ് പ്രസിഡന്റ് സുനിൽ മംഗലത്ത്, യൂണിയൻ കൗൺസിൽ അംഗങ്ങളായ ജി.സോമനാഥൻ, പി.കെ പ്രസന്നകുമാർ, പി.സലിംകുമാർ, പി.വി രണേഷ്, മൈക്രോ ഫിനാൻസ് യൂണിയൻ കോ- ഓർഡിനേറ്റർ കെ.ആർ സലീലനാഥ്‌, വനിതാ സംഘം യൂണിയൻ പ്രസിഡന്റ് ഷീലാ രവി, സെക്രട്ടറി സരളാ പുരുഷോത്തമൻ, യൂത്ത് മുവ്മെന്റ് കേന്ദ്ര സമിതി ജോയിന്റ് സെക്രട്ടറി ശ്രീജു സദൻ, യൂത്ത് മൂവ്മെന്റ് യൂണിയൻ അഡ്ഹോക്ക് കമ്മിറ്റി ചെയർമാൻ ഗോകുൽ കൃഷ്ണൻ, വൈസ് ചെയർമാൻ സൂരജ് ടി.പ്രകാശ്, കൺവീനർ ആനന്ദ്.പിരാജ് യൂണിയനിലെ വിവിധ ശാഖകളിലെ ഭാരവാഹികൾ എന്നിവർ പങ്കെടുത്തു .