ചെങ്ങന്നൂർ: ഇലഞ്ഞിമേൽ ആര്യഭട്ട ഗ്രന്ഥശാലയുടെ ആഭിമുഖ്യത്തിൽ നടത്തിയ പ്രതിഭാസംഗമം സ്റ്റേറ്റ് ലൈബ്രറി കൗൺസിൽ എക്സിക്യൂട്ടീവ് അംഗം ജി.കൃഷ്ണകുമാർ ഉദ്ഘാടനം ചെയ്തു. ഗ്രന്ഥശാലാ പ്രസിഡന്റ് കെ.കെ.രവീന്ദ്രൻ നായർ അദ്ധ്യക്ഷത വഹിച്ചു. ശാസ്താംകോട്ട ദേവസ്വം ബോർഡ് കോളേജ് പ്രിൻസിപ്പൽ പ്രൊഫ.ഡോ.കെ.സി പ്രകാശ് മെറിറ്റ് അവാർഡ് വിതരണം ചെയ്തു. പി.എസ്.ചന്ദ്രദാസ്, പ്രൊഫ.കെ.എൻ.ഗോപാലകൃഷ്ണകുറുപ്പ്, വി.സി.കുഞ്ഞുകുഞ്ഞ്, കെ.എൻ.ഷാജി, ടി.കൃഷ്ണൻ കുട്ടി, സുസമ്മ ബന്നി, ജ്യോതിഷ് കുമാർ, ഗോപകുമാർ എന്നിവർ പ്രസംഗിച്ചു.