മല്ലപ്പള്ളി : ആനിക്കാട് പഞ്ചായത്ത്​ പത്താം വാർഡിൽ പച്ചിലിമാക്കൽ ചന്ദ്രന്റെ പുരയിടത്തിൽ കൃഷി നശിപ്പിക്കാനെത്തിയ കാട്ടുപന്നിയെ വെടിവച്ചു കൊന്നു. ഏകദേശം 70 കിലോയോളം തൂക്കം വരുന്ന ആൺ പന്നിയെ പഞ്ചായത്ത്​ നിയമിച്ച ഷൂട്ടർ ജോസ് പ്രകാശാണ് വെടിവച്ചത്. പഞ്ചായത്ത്​ വാർഡ് മെമ്പർ ദേവദാസ് മണ്ണൂരാൻ,കർഷകരായ മത്തായി പടിഞ്ഞാറേൽക്കുറ്റ് , രഘു പുത്തൻപറമ്പിൽ , ഉത്തമൻ, ബിജു പടിഞ്ഞാറേകുറ്റ്, രാജു പുത്തൻപറമ്പിൽ എന്നിവരുടെ സാന്നിദ്ധ്യത്തിൽ കാട്ടുപന്നിയെ ശാസ്ത്രീയമായ രീതിയിൽ മറവ് ചെയ്തു.