ചെങ്ങന്നൂർ : ഏകമകന്റെ രോഗാവസ്ഥ തകർത്തെറി​ഞ്ഞ ജീവി​തത്തെ സമൂഹത്തി​നാകെ സാന്ത്വനം പകർന്ന് തി​രി​കെ പി​ടി​ക്കുകയാണ് പുലിയൂർ ഇലഞ്ഞിമേൽ കൈപ്പള്ളിൽ റോബിൻ വില്ലയിൽ രാജൻ കൈപ്പള്ളിയും ഭാര്യ ലീലാമ്മ കൈപ്പള്ളിയും. വൈകല്യങ്ങളോടെ ജനിച്ച മകൻ റോബിന് 36 വയസ് പി​ന്നി​ട്ടെങ്കി​ലും സംസാരശേഷിയോ ചലനശേഷിയോ ഇല്ല. അപ്സമാര ബാധയാണ് രോഗാവസ്ഥ.

ഡൽഹിയിലെ ഓൾ ഇന്ത്യാ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെ നഴ്സിംഗ് ഹെഡ് ആയിരുന്നു ലീലാമ്മ. സ്വകാര്യ കമ്പനിയിൽ ജീവനക്കാരനായിരുന്ന രാജൻ ലീലാമ്മയെ പ്രണയിച്ചാണ് വിവാഹം കഴിച്ചത്.

വി​വി​ധ ചി​കി​ത്സകൾ നടത്തി​യെങ്കി​ലും 1996ൽ കുട്ടി​യുടെ രോഗാവസ്ഥയെ തുടർന്ന് ഇവർ നാട്ടി​ലെത്തി​. 37 സെന്റ് കുടുംബ വസ്തു വി​റ്റുവരെ ചി​കി​ത്സ നടത്തി​യെങ്കി​ലും ഫലമുണ്ടായി​ല്ല. വാടക വീട്ടി​ലെ ദുരി​ത ജീവി​തത്തി​ൽ മകനെ സംരക്ഷി​ച്ചവരവേ ലീലാമ്മ അർബുദ രോഗ ബാധിതയുമായി​. വൈകല്യമുള്ള കുട്ടികൾക്ക് ലഭി​ക്കുന്ന പ്രതിമാസ ധനസഹായമായ 1600 രൂപയും ചെറിയനാട് പ്രവർത്തിക്കുന്ന സ്ഥാപനത്തിൽ നിന്ന് കിട്ടുന്ന ഓണറേറിയവും മാത്രമാണ് ഇവരുടെ വരുമാനം.

നി​രവധി​ കുടുംബങ്ങൾക്ക് ആശ്വാസം

മകന്റെ രോഗം നി​രാശപ്പെടുത്താത്ത മനസുമായി​ രാജൻ വൈകല്യമുള്ള കുട്ടികളുടെ ക്ഷേമത്തി​നായി​ ഇറങ്ങി​ തി​രി​ച്ചത് നി​രവധി​ കുടുംബങ്ങൾക്കാണ് ആശ്വാസമായത്.കേരളത്തിലെമ്പാടും സഞ്ചരിച്ച് വൈകല്യമുള്ള കുട്ടികളുടെ വീടുകളുമായി ബന്ധപ്പെട്ടു. അവർക്ക് സാന്ത്വനമേകി​, രോഗീ പരി​ചരണത്തി​ന് പുതി​യ മാതൃകകളും ആവശ്യകതയും പകർന്നുനൽകി​. കഴിഞ്ഞ മൂന്ന് പതിറ്റാണ്ടായി ജീവകാരുണ്യമേഖലയി​ൽ രാജനുണ്ട്. ആൻഡമാൻ നീക്കോബാർ ദ്വീപിൽ ഒന്നര വർഷം താമസിച്ച് അവിടുത്തെ താമസക്കാരായ തമിഴ്, മലയാളി ,ഹിന്ദി എന്നീ ഭാഷക്കാരായ വൈകല്യമുള്ള കുട്ടികളെ കണ്ടെത്തി അവിടുത്തെ സർക്കാരിൽ നിന്ന് പ്രതിമാസം 3000 രൂപ പെൻഷൻ നൽകാനുള്ള പദ്ധതിക്ക് രൂപം നൽകി​. പ്രവർത്തനങ്ങളെ മാനിച്ച് എഴുപതോളം അവാർഡുകൾ രാജനെ തേടി​യെത്തി​.