തിരുവല്ല എം.ജി.എം സ്കൂൾ ഹയർസെക്കൻഡറി വിഭാഗം സിൽവർ ജൂബിലി ആഘോഷങ്ങളോടനുബന്ധിച്ച് പൂർവ വിദ്യാർത്ഥികൾ സംഘടിപ്പിച്ച ഗുരുവന്ദനം മന്ത്രി വീണാ ജോർജ് ഉദ്ഘാടനം ചെയ്തു. ലോകത്തിലെ ഏറ്റവും മഹത്തരമായ ജോലി അദ്ധ്യാപനമാണെന്നും രാഷ്ട്ര നിർമ്മാണം ക്ലാസ് മുറികളിലാണ് തുടക്കം കുറിക്കുന്നതെന്നും മന്ത്രി പറഞ്ഞു. സബ് കളക്ടർ സഫ്ന നസറുദീൻ മുഖ്യ പ്രഭാഷണം നടത്തി. ഓർത്തഡോക്സ് സഭ ഇടുക്കി ഭദ്രാസനാധിപൻ ഡോ.സഖറിയാ മാർ സേവേറിയോസ് മെത്രാപ്പോലിത്ത അനുഗ്രഹ പ്രഭാഷണം നടത്തി. ഹയർസെക്കൻഡറി വിഭാഗത്തിൽ 25വർഷം പൂർത്തിയാക്കിയ അദ്ധ്യാപക-അനദ്ധ്യാപകരെ യോഗത്തിൽ ആദരിച്ചു. മാനേജ്മെന്റ് കോർഡിനേറ്റർ ഫാ.സി.വി ഉമ്മൻ, പ്രിൻസിപ്പൽ പി.കെ തോമസ് , ഹെഡ്മിസ്ട്രസ് ലാലി മാത്യു, പി.ടി.എ പ്രസിഡന്റ് സാബു ജേക്കബ്, ഫാ.വർഗീസ് മാത്യു, ഫാ.ജുബിൻ കരിപ്പായിൽ, ജോൺ കുര്യൻ, ഫാ.വി.എ മാത്യു, ഫിലിപ്പ് വി.സോളമൻ, ദിവ്യ ആർ,ലീന ഏബ്രഹാം എന്നിവർ പ്രസംഗിച്ചു.