പത്തനംതിട്ട : പത്തനംതിട്ട കെ.എസ്.ആർ.ടി.സി ബസ് സ്റ്റാൻഡിൽ കെ.എസ്.ആർ.ടി.സി അനുവദിച്ചു നൽകിയ സ്ഥലത്ത് ആരോഗ്യവകുപ്പും ആരോഗ്യ കേരളവും ചേർന്ന് നിർമ്മിച്ച മുലയൂട്ടൽ മുറി​ തുറന്നുനൽകി​. മുലയൂട്ടൽ വാരാചരണ ദി​നത്തി​ൽ പോലും ന​ഗ​ര​ത്തി​ലെ ​മു​ല​യൂ​ട്ട​ൽ​ ​
കേ​ന്ദ്ര​ങ്ങ​ൾ തുറക്കാത്തത് ചൂണ്ടി​ക്കാട്ടി​ "ഇ​ടം​ ​വേ​ണം,​ മു​ല​യൂ​ട്ടാൻ" എന്ന തലക്കെട്ടി​ൽ ഇന്നലെ കേരളകൗമുദി​ പ്രസി​ദ്ധീകരി​ച്ച വാർത്തയെ തുടർന്നാണ് ആരോഗ്യമന്ത്രി​ ഇടപെട്ട് കേന്ദ്രം തുറന്നുനൽകി​യത്. മുലയൂട്ടൽ കോർണറി​ന്റെ ഉദ്ഘാടനം ആരോഗ്യമന്ത്രി​ വീണാജോർജ് നി​ർവഹി​ച്ചു.

​പ​ത്ത​നം​തി​ട്ട​ ​ന​ഗ​ര​സ​ഭാ​ ​ബ​സ് ​സ്റ്റാ​ൻ​ഡി​ലെ​ ​പ്ര​ഥ​മ​ ​ശു​ശ്രൂ​ഷ​ ​കേ​ന്ദ്രത്തി​ൽ ​മു​ല​യൂ​ട്ട​ൽ​ ​കേ​ന്ദ്രം മുമ്പുണ്ടായി​രുന്നു. കൊവി​ഡ് കാലത്ത് കേന്ദ്രം നി​റുത്തലാക്കി​യതോടെ അമ്മയും കുഞ്ഞും മുറി​ അടഞ്ഞു.

പൊതുഇടങ്ങൾ ശിശു - സ്ത്രീ സൗഹൃദമാക്കും

എല്ലാ പൊതുഇടങ്ങളും ശിശു സൗഹൃദവും സ്ത്രീസൗഹൃദവുമാക്കുക എന്നതാണ് സർക്കാരിന്റെ ലക്ഷ്യം. പൊതു ഇടങ്ങൾ മാതൃ ശിശു സൗഹൃദപരമാക്കുന്നതിന്റെ ഭാഗമായി ജില്ലയിൽ സർക്കാരിന്റെയും പൊതു പങ്കാളിത്തത്തോടെയും കൂടുതൽ കേന്ദ്രങ്ങളിൽ ബ്രസ്റ്റ് ഫീഡിങ് മുറികൾ സ്ഥാപിക്കും.

വീണാജോർജ്, ആരോഗ്യമന്ത്രി​