റാന്നി: കുവൈറ്റിൽ നിന്ന് നാട്ടിലേക്കുള്ള വിമാനയാത്രയ്ക്കിടെ റാന്നി സ്വദേശി മരിച്ചു. മന്ദമരുതി കോന്നാത്ത് ചാക്കോ തോമസാണ് (തമ്പി - 55) മരിച്ചത്.
വ്യാഴാഴ്ച രാത്രി കുവൈറ്റ് എയർവേയ്സിൽ കൊച്ചിയിലേക്ക് തിരിച്ച ചാക്കോ തോമസിന് യാത്രയ്ക്കിടെ അസ്വസ്ഥത അനുഭവപ്പെട്ടു.
വിമാനം ദുബായിൽ അടിയന്തരമായി ഇറക്കിയെങ്കിലും അപ്പോഴേക്കും മരിച്ചെന്നാണ് വിവരം. മൃതദേഹം ദുബായിലെ മോർച്ചറിയിലേക്ക് മാറ്റി. ബന്ധുക്കളെത്തി നാട്ടിലേക്കു കൊണ്ടുവരാനുള്ള ശ്രമം ആരംഭിച്ചു.കുവൈറ്റ് അൽ- ഇസാ മെഡിക്കൽ ആൻഡ് എക്യുപ്മെന്റ് ജീവനക്കാരനായിരുന്നു. കുവൈറ്റ്‌ അബ്ബാസിയിലായിരുന്നു താമസം. ഭാര്യ : ശോശാമ്മ തോമസ്.