മല്ലപ്പള്ളി: എഴുമറ്റൂർ 1156 -ാം എസ്.എൻ.ഡി.പി ശാഖയിൽ ശ്രീനാരായഗുരുദേന്റെ 110-ാം മത് ജയന്തി ദിനാഘോഷം 20ന് പൂജാദികർമ്മങ്ങൾക്ക് പുറമെ ഘോഷയാത്രയോടും കൂടി പൂർവാധികം ഭംഗിയായി നടത്തും. 20 ന് രാവിലെ 5.30 നിർമ്മാല്യ ദർശനം, 6.15 ന് ഗുരുപൂജ,ഗുരുപുഷ്പാഞ്ജലി, 7.30 ന് പതാക ഉയർത്തൽ,7.35 ന് സദാനന്ദൻ ശാന്തിയുടെ മുഖ്യ കാർമികത്വത്തിൽ വിശേഷാൽ പൂജ, 8.30ന് കുടുംബ പ്രാർത്ഥനാ യൂണിറ്റുകളുടെ നേതൃത്വത്തിൽ സമൂഹപ്രാർത്ഥന, 10.30ന് കരകം, പമ്പമേളം , ചെണ്ടമേളം, താലപ്പൊലി,ഗുരുദേവ രഥം എന്നിവയുടെ അകമ്പടിയോടെ പഴയ ശാഖാ മന്ദിരത്തിൽ നിന്നും ആരംഭിക്കുന്ന ഘോഷയാത്ര. 12.30 ന് നടക്കുന്ന പൊതുസമ്മേളനം തിരുവല്ല എസ്.എൻ.ഡി.പി യൂണിയൻ പ്രസിഡന്റ് കെ.എ.ബിജു ഇരവിപേരൂർ ഉദ്ഘാടനം ചെയ്യും. ശാഖാ പ്രസിഡന്റ് സന്തോഷ് സായി അദ്ധ്യക്ഷത വഹിക്കുന്ന യോഗത്തിൽ യൂണിയൻ സെക്രട്ടറി അനിൽ.എസ്. ഉഴത്തിൽ ചതയദിന സന്ദേശം നൽകും. യോഗം ഇൻപെക്ടിംഗ് ഓഫീസർ എസ്. രവീന്ദ്രൻ ഇടുവിനാം പൊയ്കയിൽ എസ്.എസ്.എൽ.സി, പ്ലസ്ടു, ഡിഗ്രി പരീക്ഷകളിൽ ഉന്നതവിജയം കൈവരിച്ച കുട്ടികൾക്ക് ക്യാഷ് അവാർഡും മൊന്റോയും വിതരണം ചെയ്യും. യൂണിയൻ കൗൺസിലർ ബിജു മേത്താനം, ശ്രീനാരായണ എംപ്ലോയിസ് ഫോറം കേന്ദ്രസമിതിയംഗം ഷാൻ രമേശ് ഗോപൻ, ശാഖാ വനിതാസംഘം പ്രസിഡന്റ് രാജി ബിജു, സെക്രട്ടറി വിജി സനോജ്, കുമാരി സംഘം കൺവീനർ ലക്ഷ്മി മനോജ്, യൂണിയൻ കമ്മിറ്റിയംഗം സനോജ് കളത്തുങ്കമുറിയിൽ എന്നിവർ പ്രസംഗിക്കും. തുടർന്ന് സമൂഹസദ്യയും, കുട്ടികളുടെ കലാപരിപാടികളും നടക്കും.