അടൂർ: സ്കൂൾ വിദ്യാർത്ഥികളെ ഇറക്കിവിട്ട സ്വകാര്യബസ് ജീവനക്കാരെ ഇംപോസിഷൻ എഴുതിപ്പിച്ച് അടൂർ ട്രാഫിക് പൊലീസ്. പത്തനംതി ട്ട - ചവറ റൂട്ടിൽ സർവീസ് നടത്തുന്ന സ്വകാര്യ ബസിലെ ജീവനക്കാരെയാണ് ഇംപോസിഷൻ ഏഴുതിപ്പിച്ചത്. അടൂർ പാർത്ഥസാരഥി ജംഗ്ഷനിൽ ബസിൽ കയറാൻ ശ്രമിച്ച പെൺ കുട്ടികൾ ഉൾപ്പടെയുള്ള വിദ്യാർത്ഥികളെ ബസിൽ കയറ്റാൻ കൂട്ടാക്കാത്തതിനാണ് പൊലീസ് ഇത്തരമൊരു ശിക്ഷ ബസ് ജീവനക്കാരെക്കൊണ്ട് ചെയ്യിപ്പിച്ചത്. ജീവനക്കാർ കയർത്ത് സംസാരിക്കുന്ന ദൃശ്യങ്ങൾ നവ മാദ്ധ്യമങ്ങളിൽ വന്നതോടെയാണ് പൊലീസ് ബസ് കണ്ടെത്തി ഡ്രൈവറേയും കണ്ടക്ടറെയും ട്രാഫിക് യൂണിറ്റ് അസ്ഥാനത്തേക്ക് വിളിപ്പിക്കുകയായിരുന്നു. ഇത്തരം നടപടി ഇനിയും ആവർത്തിച്ചാൽ ലൈസൻസ് റദ്ദാക്കുന്നതുൾപ്പ ടെയുള്ള നിയമന പടികൾ സ്വീകരി ക്കുമെന്ന് ട്രാഫിക് എസ്.ഐ ജി.സുരേഷ് കുമാർ താക്കീത് നല്കിയാണ് ഇവരെ വിട്ടയച്ചത്.