തിരുവല്ല : സെന്റ് മേരീസ് റസിഡൻഷ്യൽ പബ്ലിക് സ്കൂളിന്റെ സുവർണ്ണ ജൂബിലി ആഘോഷങ്ങൾ മുൻ ഇന്ത്യൻ അംബാസിഡർ ഡോ. ടി.പി. ശ്രീനിവാസൻ ഭദ്രദീപം കൊളുത്തി ഉദ്ഘാടനം ചെയ്തു. മാത്യു.ടി.തോമസ് എം.എൽ എ അദ്ധ്യക്ഷത വഹിച്ചു. കലാപരിപാടികൾ ആന്റോ ആന്റണി എം.പി ഉദ്ഘാടനം ചെയ്തു. ഡി.വൈ.എസ്.പി അഷാദ് എസിന്റെ നേതൃത്വത്തിൽ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. സെക്രട്ടറി സരോഷ് പി.എബ്രഹാം, ചെയർമാൻ ഏലിയാസ് തോമസ്, മുൻസിപ്പൽ കൗൺസിലർ പൂജ ജയൻ, സ്കൂൾ പ്രിൻസിപ്പൽ മിനി ജേക്കബ് ഫിലിപ്പ്, പി.ടി..എ പ്രതിനിധി അഡ്വ. രാജേഷ് ചാത്തങ്കരി, ജനറൽ കോർഡിനേറ്റർ മോജി സഖറിയ എന്നിവർ സംസാരിച്ചു. തുടർന്ന് സെന്റ് മേരീസ് സ്കൂളിന്റെ തിരുവനന്തപുരം, കൊല്ലം, കായംകുളം, പത്തനാപുരം എന്നിവിടങ്ങളിലെ സഹോദര സ്ഥാപനങ്ങളിലെ വിദ്യാർത്ഥികൾ അവതരിപ്പിച്ച വിവിധ കലാപരിപാടികളും ഉണ്ടായിരുന്നു.