ചെങ്ങന്നൂർ: നഗരസഭയുടെയും കൃഷിഭവന്റേയും നേതൃത്വത്തിൽ 17ന്കർഷക ദിനമായി ആചരിക്കും. ഇതിന്റെ ഭാഗമായി നഗരസഭ പരിധിയിലുള്ള മികച്ച കർഷകരെയും കർഷക തൊഴിലാളിയേയും ആദരിക്കുന്നു. രാവിലെ 10.30ന് ചെങ്ങന്നൂർ നഗരസഭാ ഹാളിൽ നടക്കുന്ന കർഷകദിനാചരണം മന്ത്രി സജി ചെറിയാൻ ഉദ്ഘടാനം ചെയ്യും. നഗരസഭാ ചെയർപേഴ്‌സൺ അഡ്വ.ശോഭ വർഗീസ് അദ്ധ്യക്ഷത വഹിക്കും. കൊടിക്കുന്നിൽ സുരേഷ് മികച്ച കർഷകരെ ആദരിക്കും. നഗരസഭാ വൈസ് ചെയർമാൻ കെ.ഷിബു രാജൻ മുഖ്യ പ്രഭാഷണം നടത്തും. ചെങ്ങന്നൂർ നഗരസഭാ കൗൺസിൽ അംഗങ്ങളും വിവിധ രാഷ്ട്രീയ സാമൂഹിക സാംസ്‌കാരിക നേതാക്കൻമാരും കൃഷി വകുപ്പിലെ ഉദ്യോഗസ്ഥരും പങ്കെടുക്കും.