പന്തളം : തുമ്പമണ്ണി​ൽ കോൺഗ്രസ് നേതാക്കൾക്ക് നേരെ നടന്ന പൊലീസ് ലാത്തിച്ചാർജിൽ കെ.പി.സി.സി ന്യൂനപക്ഷ സെൽ നിയോജക മണ്ഡലം കമ്മി​റ്റി പ്രതിഷേധിച്ചു. കള്ളവോട്ട് ചെയ്യുന്നവരെ ചൂണ്ടികാണിച്ച കോൺഗ്രസ് നേതാക്കളെ ലാത്തിചാർജ് ചെയ്ത പൊലീസ് നടപടിയിൽ യോഗം പ്രതിഷേധം രേഖപ്പെടുത്തി​. സംസ്ഥാന കോർഡിനേറ്റർ അഡ്വ.ഷാജി കുളനട ഉദ്ഘാടനം ചെയ്തു. ജില്ലാ ജനറൽ സെക്രട്ടറി സോളമൻ വരവുകാലായിൽ , നിയോജക മണ്ഡലം പ്രസിഡന്റ് ജീനുകളിക്കൽ, എം.തോമസ്, പ്രെഫ.അബ്ദുർ റഹ്മാൻ , ഇ.എസ്.നജുമുദിൻ മുട്ടാർ , റോയി ദാനിയൽ , എബിൻ തോമസ്, സുരേഷ് മങ്ങാരം, ആനി ജേക്കബ്, നിഷ ഷാജഹാൻ എന്നിവർ പ്രസംഗിച്ചു.