പ്രമാടം : എസ്.എൻ.ഡി.പി യോഗം 361-ാം പ്രമാടം ശാഖാ ഗുരുമന്ദിരത്തിലെ 35-ാമത് പ്രതിഷ്ഠാ വാർഷികം നാളെ നടക്കും. രാവിലെ ആറിന് ഗുരുപൂജ, എട്ടിന് ഭാഗവതപാരായണം, ഒൻപതിന് അത്തപ്പൂവിടൽ, വൈകിട്ട് ആറിന് ദീപാരാധന, 6.30ന് പൊതുസമ്മേളനം യൂണിയൻ പ്രസിഡന്റ് കെ.പത്മകുമാർ ഉദ്ഘാടനം ചെയ്യും. ശാഖാ പ്രസിഡന്റ് കെ.രഞ്ജിത് അദ്ധ്യക്ഷത വഹിക്കും. യൂണിയൻ സെക്രട്ടറി ഡി.അനിൽകുമാർ, യോഗം അസി.സെക്രട്ടറി ടി.പി.സുന്ദരേശൻ, യൂണിയൻ വൈസ് പ്രസിഡന്റ് സുനിൽ മംഗലത്ത് എന്നിവർ മുഖ്യപ്രഭാഷണം നടത്തും. നോവലിസ്റ്റ് രശ്മി രാജ് സ്കോളർഷിപ്പുകൾ വിതരണം ചെയ്യും. യൂണിയൻ കൗൺസിലർ പി.കെ.പ്രസന്നകുമാർ, വനിതാ സംഘം യൂണിയൻ സെക്രട്ടറി സരളാ പുരുഷോത്തമൻ, മൈക്രോഫിനാൻസ് യൂണിയൻ കോ - ഓർഡിനേറ്റർ കെ.ആർ. സലീലനാഥ്, യൂത്ത്മൂവ്മെന്റ് യൂണിയൻ ചെയർമാൻ ഗോകുൽ കൃഷ്ണ തുടങ്ങിയവർ പങ്കെടുക്കും.