കോന്നി: തപസ്യ കലാസാഹിത്യ വേദി കോന്നി താലൂക്ക് യൂണിറ്റിന്റെ നേതൃത്വത്തിൽ ഇന്ന് 3 ന് കോന്നി സേവാകേന്ദ്രത്തിൽ പരിസ്ഥിതി സെമിനാർ നടത്തും. മാദ്ധ്യമപ്രവർത്തകൻ എം.കെ.വിനോദ് വിഷയാവതരണം നടത്തും. കെ.സന്തോഷ് കുമാർ മോഡറേറ്ററായിരിക്കും. പ്രസ് ക്ലബ് പ്രസിഡന്റ് സജിത് പരമേശ്വരൻ, കെ.ആർ.കെ പ്രദീപ്, സജി ഗോപിനാഥ്, ശശി നാരായണൻ, പി.എ.വേണുനാഥ്, മനോജ് സുകുമാരൻ എന്നിവർ ചർച്ചയിൽ പങ്കെടുക്കും. പ്രകൃതി നിരീക്ഷകനും മാതൃഭൂമി ഫോട്ടോഗ്രാഫറുമായ അബൂബക്കറെ ആദരിക്കും. കോന്നി ഗ്രാമപഞ്ചായത്ത് അംഗം സി.എസ്.സോമൻ പിള്ള, തപസ്യ ജില്ലാ അദ്ധ്യക്ഷൻ അഹമ്മദ് കബീർ തുടങ്ങിയവർ സംസാരിക്കും.