മാരൂർ: ഇളമണ്ണൂർ 2833-ാം എസ്.എൻ.ഡി.പി ശാഖയുടെയും വനിതാ സംഘത്തിന്റെയും യൂത്ത് മൂവ്‌മെന്റിന്റെയും നേതൃത്വത്തിൽ 170-ാമത് ഗുരുദേവ ജയന്തി ആഘോഷം നടന്നു. രാവിലെ ക്ഷേത്രത്തിൽ വിശേഷാൽ പൂജകൾ, ചതയ പ്രാർത്ഥന, പുഷ്പാർച്ചന, അന്നദാന എന്നിവ നടന്നു. ഇളമണ്ണൂർ തിയേറ്റർ ഭാഗത്തുനിന്ന് നൂറുകണക്കിന് ശ്രീനാരായണീയർ പങ്കെടുത്ത വർണ്ണ ശബളമായ ഘോഷയാത്രയും,​ തുടർന്ന് വശേഷാൽ ദീപാരാധന നടന്നു.
ശാഖയുടെ മുൻ ഭാരവാഹി കേരള സർവകലാശാല സിൻഡിക്കേറ്റ് മെമ്പറായി തിരഞ്ഞെടുക്കപ്പെട്ട അഡ്വ.രാജീവ് കുമാറിനെ അടൂർ എസ്.എൻ.ഡി.പി യൂണിയൻ കൺവീനർ അഡ്വ. മണ്ണടി മോഹനൻ അനുമോദിച്ചു.