പത്തനംതിട്ട: ബൈക്ക് നിയന്ത്രണം വിട്ടുമറിഞ്ഞ് യുവാവ് മരിച്ചു. സുഹൃത്തിന് ഗുരുതരമായി പരിക്കേറ്റു. ഇലന്തൂർ നിരവത്തു വീട്ടിൽ ജലജ മനുവിന്റെ (ബിന്ദു) മകൻ മിഥുനാണ് (മണികണ്ഠൻ- 21) മരിച്ചത്. ഒപ്പമുണ്ടായിരുന്ന പുനലൂർ സ്വദേശി അനന്തു ഗുരുതരാവസ്ഥയിൽ ചികിത്സയിലാണ്. ഇന്നലെ പുലർച്ചെ രണ്ടരയോടെ അഞ്ചക്കാലായിലാണ് അപകടമുണ്ടായത്. ഇവർ സഞ്ചരിച്ചിരുന്ന ഡ്യൂക്ക് ബൈക്ക് നിയന്ത്രണം വിട്ടു മറിയുകയായിരുന്നു. മൈ ക്രെയിൻ സർവീസിലെ ജീവനക്കാരായിരുന്നു ഇരുവരും.