മല്ലപ്പള്ളി : താലൂക്കിൽ പതിനൊന്നിടങ്ങളിലായി 11 മഹാശോഭയാത്രകളും 51 ശോഭ യാത്രകളും നടന്നു. വയനാട് ദുരന്തത്തിന്റെ പശ്ചാത്തലത്തിൽ ആഘോഷങ്ങൾ ഒഴിവാക്കി ഭക്തി സന്ദ്രമായിട്ടായിട്ടായിരുന്നു ശോഭായാത്ര നടത്തിയത്. എല്ലാ ശോഭായാത്രകളും ആരംഭിച്ചപ്പോൾ വയനാട് ദുരന്തത്തിൽ ജീവൻ നഷ്ടപ്പെട്ട സഹോദരങ്ങൾക്കയി ശ്രദ്ധാജ്ഞലി അർപ്പിച്ച് അനുശോചന സന്ദേശം വായിച്ചു. വയനാട്ടിലെ ദുരിത ബാധിതർക്കായുള്ള ഗോകുലനിധിയുടെ രണ്ടാം ഘട്ട തുക സേവാഭാരതിയ്ക്ക് കൈമാറി.കോട്ടാങ്ങൽ:നടുഭാഗം ഈശ്വരവിലാസം ഭജന മന്ദിരം, പയ്യമറ്റം ശ്രീധർമ്മശാസ്താ ക്ഷേത്രം, ചുങ്കപ്പാറ ശ്രീ ഗുരുദേവക്ഷേത്രം, മലമ്പാറ വിശ്വകർമ്മ മഹാക്ഷേത്രം, കാടിക്കാവ് ശുഭാനന്താശ്രമം കടൂർകടവ് എന്നിവിടങ്ങളിൽ നിന്ന് ആരംഭിച്ച ശോഭയാത്രകൾ തുണ്ടിയപ്പാറയിൽ സംഗമിച്ച് മഹാശോഭ യാത്രയായി കോട്ടാങ്ങൽമഹാഭദ്രകാളി ക്ഷേത്രാങ്കണത്തിൽ എത്തിച്ചേർന്നു. കുളത്തൂർ :ആനപ്പാറ,കുഴിക്കാട്,പാലക്കൽ , വള്ളിയാനി പൊയ്ക,തൃചേർപ്പുറം, പാടിമൺ, സർപ്പക്കാവ്,നെടുമ്പാല,കുളത്തൂർ എന്നിവിടങ്ങളിൽ നിന്ന് ആരംഭിച്ച ശോഭയാത്രകൾ കുളങ്ങരക്കാവ് ദേവി ക്ഷേത്രത്തിൽ സംഗമിച്ച് മഹാശോഭായാത്രയായി കുളത്തൂർ ദേവി ക്ഷേത്രത്തിൽ സമാപിച്ചു. ആനിക്കാട് : വായ്പൂര് മഹാദേവക്ഷേത്രത്തിൽ നിന്ന് ആരംഭിച്ച് ചക്കാലക്കുന്ന്‌ വഴികീഴ്തൃക്കേത് ശ്രീകൃഷ്ണസ്വാമി ക്ഷേത്രത്തിൽ സമാപിച്ചു.ആനിക്കാട്ക്ഷേത്രം ,നൂറോമാവ്, പുളിക്കാമല, ഒല്ലൂർപടി, ഹനുമാൻകുന്ന്‌ എന്നിവിടങ്ങളിൽ നിന്ന് ആരംഭിച്ച് പുല്ലുകുത്തി ജംഗ്ഷനിൽ സംഗമിച്ച്ആനിക്കാട് ശിവപാർവതി ക്ഷേത്രത്തിൽ സമാപിച്ചു. കുന്നന്താനം:മഠത്തിൽകാവ്,പുളിന്താനം,മുക്കൂർ കവല,അമ്പാടി,വള്ളികാട്,നടക്കൽ,തോട്ടപ്പടി,മാന്താനം, എന്നിവിടങ്ങളിൽ നിന്നും ആരംഭിച്ച ശോഭയാത്രകൾകുന്നന്താനം കവലയിൽ എത്തിച്ചേർന്ന് മഹാശോഭായാത്രയായി മഠത്തിൽകാവ് ദേവി ക്ഷേത്രത്തിൽ സമാപിച്ചു.ആഞ്ഞിലിത്താനം:ക്ഷേത്രത്തിൽ നിന്നും ആരംഭിച്ച് ആഞ്ഞിലിത്താനം കവലയിൽ എത്തി തിരിച്ചു ആഞ്ഞിലിത്താനം ക്ഷേത്രത്തിൽ സമാപിച്ചു .മല്ലപ്പള്ളി :പവത്തിപ്പടി നടരാജ സ്വാമി ക്ഷേത്രം , നാരക ത്താനി,മുരണി,കീഴ് വായ്പൂര്,പുന്നമറ്റം, മൂശാരി കവല,കൈപ്പറ്റ, അങ്ങാടിപറമ്പ്, കേശവനഗർ എന്നിവിടങ്ങളിൽ നിന്നും ആരംഭിച്ച ശോഭായാത്രകൾ മല്ലപ്പള്ളി ശ്രീനാരായണഗുരുദേവ ക്ഷേത്രത്തിൽ സംഗമിക്കുകയും തുടർന്ന് നടന്ന സാസ്കാരിക സമ്മേളനം തീരുമാലിട ഹൈന്ദവ സേവാ സംഘം അധ്യക്ഷൻ ശ്രീ.എസ്. മനോജിന്റെ അധ്യക്ഷതയിൽ ആർഎസ്എസ് താലൂക്ക് സംഘചാലക് പ്രൊഫ.എസ്.അനിൽകുമാർ ഉത്ഘാടനം ചെയ്തു. എബിവിപി ജില്ലാ അധ്യക്ഷൻ അരുൺ മോഹൻ മുഖ്യപ്രഭാഷണം നിർവഹിച്ചു. തുടർന്ന്മഹാശോഭയാത്ര തീരുമാലിട മഹാദേവക്ഷേത്രത്തിൽ സമാപിച്ചു.എഴുമറ്റൂർ : ഇരുമ്പുഴി,കാരമല,എഴുമറ്റൂർ,കിളിയങ്കാവ് ഏലാം മഹാദേവ ക്ഷേത്രം എന്നിവിടങ്ങളിൽ നിന്ന് വായനശാല ജംഗ്ഷനിൽ സംഗമിച്ച മഹാശോഭയാത്ര കണ്ണച്ചദേവ ക്ഷേത്രത്തിൽ സമാപിച്ചു.കൊറ്റനാട്:അരീക്കൽ,കുന്നം, കൊറ്റനാട് എന്നിവിടങ്ങളിൽ നിന്നും ആരംഭിച്ച ശോഭ യാത്രകൾ ചാലാപ്പള്ളി ജംഗ്ഷനിൽ സംഗമിച്ച് മഹാശോഭാ യാത്രയായി കൊറ്റനാട് ദേവീക്ഷേത്രത്തിൽ സമാപിച്ചു.പെരുമ്പെട്ടി:അത്യാൽ കാണിക്കമണ്ഡപം ജംഗ്ഷനിൽ നിന്ന് ആരംഭിച്ച് പെരുമ്പെട്ടി മഹാദേവക്ഷേത്രത്തിൽ സമാപിച്ചു.വൃന്ദാവനം:വൃന്ദാവനം പ്രണമലക്കാവ് ക്ഷേത്രം ,ചിരട്ടൊലിത്തടം, കിടാരക്കുഴി, എന്നിവിടങ്ങളിൽ നിന്നും ആരംഭിച്ച ശോഭാ യാത്രകൾ കുമ്പളന്താനം ജംഗ്ഷനിൽ സംഗമിച്ച് മഹാശോഭായാത്രയായി വൃന്ദാവനം പ്രണമലക്കാവ് ക്ഷേത്രത്തിൽ സമാപിച്ചു.

തടിയൂർ :മലങ്കോട്ടയിൽ നിന്നാരംഭിച്ച ശോഭയാത്ര തെള്ളിയൂർക്കാവ്, അമ്പിനിക്കാട് വഴി തടിയൂരിൽ സമാപിച്ചു.