തിരുവല്ല: കേരള സർക്കാർ സ്ഥാപനമായ സംസ്ഥാന കൈത്തറി വികസന കോർപ്പറേഷന്റെ നേതൃത്വത്തിൽ നടത്തുന്ന ഓണം റിബേറ്റ് വസ്ത്രമേളയ്ക്ക് തിരുവല്ല പ്രൈവറ്റ് ബസ് സ്റ്റാൻഡിന് എതിർ വശത്തുള്ള ഹാൻവീവ്‌ ഷോറൂമിൽ തുടക്കമായി. ഇരുപത് ശതമാനം ഗവൺമെന്റ് റിബേറ്റ് ലഭ്യമാകുന്നമേളയിൽ നിന്ന് സർക്കാർ അനുബന്ധ ജീവനക്കാർക്ക് തുണിത്തരങ്ങൾ തവണ വ്യവസ്ഥയിലും വാങ്ങാവുന്നതാണ്. പ്രതിസന്ധികളിൽപെട്ടുഴലുന്ന പരമ്പരാഗത കൈത്തറിമേഖല ഏറെ പ്രതീക്ഷയോടെയാണ് ഈ ഓണക്കാലത്തെ കാണുന്നത്. അതിന് അനുസൃതമായ തുണിത്തരങ്ങളാണ്‌ മേളയിൽ ഒരുക്കിയിരിക്കുന്നത്. ഞായറാഴ്ച്ച ഉൾപ്പെടെ എല്ലാ അവധി ദിവസങ്ങളിലും ഷോറും തുറന്ന് പ്രവർത്തിക്കും.