പത്തനം​തിട്ട: പോക്‌സോക്കേസ് പ്രതിയെ തൂങ്ങി മരിച്ച നിലയിൽ കണ്ടെത്തി. മലയാലപ്പുഴ മുണ്ടയ്ക്കൽ സ്വദേശി പ്രശാന്താണ് മരിച്ചത്. വിചാരണ പൂർത്തിയാക്കി, കേസിൽ വിധികാത്തിരിക്കവേയാണ് സം​ഭവം. കോടതി വിധി പ്രതികൂലമാകുമെന്ന ആശങ്കയെ തുടർന്ന് പ്രശാന്ത് ആത്മഹത്യ ചെയ്തുവെന്നാണ് നി​ഗമനം. 2022 ലാണ് പ്രശാന്തിനെ പ്രതി ചേർത്ത്​ പത്തനംതിട്ട പൊലീസ് കേസ് രജിസ്റ്റർ ചെയ്തത്. മൈലാടുപാറയിൽ താമസിച്ചുവരുമ്പോൾ 5 വയസ്സുകാരനെ ലൈംഗികമായി ഉപയോഗിച്ചു എന്ന പരാതിയാണ് കേസിന് ആധാരം. കേസിൽ പത്തനംതിട്ട പോക്‌സോ അതിവേഗ കോടതി വിചാരണ പൂർത്തിയാക്കിയിരുന്നു. ശേഷം, കേസ് പരിഗണിച്ച ദിവസം പ്രശാന്ത് ഹാജരായിരുന്നില്ല. തുടർന്ന് ഇയാൾക്കും ജാമ്യക്കാർക്കും കോടതി വാറന്റ് പുറപ്പെടുവിച്ചിരുന്നു.