ചാത്തന്നൂർ: വയനാടിന്റെ അതിജീവനത്തിന് വേളമാനൂർ ഗാന്ധിഭവൻ സ്നേഹാശ്രമത്തിന്റെ കൈത്താങ്ങ്. സ്നേഹാശ്രമം വികസനസമിതി അംഗങ്ങളുടെയും ജീവനക്കാരുടെയും സംഭവനയായി 25,000 രൂപ സ്നേഹാശ്രമം ചെയർമാൻ ബി. പ്രേമാനന്ദ് ഗാന്ധിഭവനു കൈമാറി. തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകുമെന്നു ഗാന്ധിഭവൻ മാനേജിംഗ് ട്രസ്റ്റി ഡോ.പുനലൂർ സോമരാജൻ അറിയിച്ചു. ബി. പ്രേമാനന്ദിന്റെ അദ്ധ്യക്ഷതയിൽ ചേർന്ന യോഗം ഉരുൾപൊട്ടലിൽ മരണമടഞ്ഞവർക്ക് ആദരാഞ്ജലി അർപ്പിച്ചു. ഡയറക്ടർ പത്മാലയം ആർ. രാധാകൃഷ്ണൻ, വൈസ് ചെയർമാൻ തിരുവോണം രാമചന്ദ്രൻ പിള്ള, സെക്രട്ടറി പി.എം. രാധാകൃഷ്ണൻ, കെ.എം. രാജേന്ദ്രകുമാർ, ആർ.ഡി. ലാൽ, ജി.രാമചന്ദ്രൻപിള്ള, കെ.മോഹനൻ, മാനേജർ പത്മജാദത്ത എന്നിവർ പങ്കെടുത്തു.