കൊല്ലം: അന്താരാഷ്ട്രതല റോബോട്ടിക് ഡിസൈൻ മത്സരം 'റോബോകോൺ 2024' 5 മുതൽ 17 വരെ അമൃത വിശ്വവിദ്യാപീഠം അമൃതപുരി കാമ്പസിൽ നടക്കും. എട്ട് രാജ്യങ്ങളിൽ നിന്നുള്ള മത്സരാർത്ഥികൾ പങ്കെടുക്കും. റോബോട്ടിക് മേഖലയിലെ സാങ്കേതിക നൈപുണ്യ വികസനം പ്രോത്സാഹിപ്പിക്കുകയെന്ന ലക്ഷ്യത്തോടെയാണ് ഇലക്ട്രോണിക്‌സ് ആൻഡ് കമ്മ്യുണിക്കേഷൻ എൻജിനിയറിംഗ് വിഭാഗത്തിന്റെയും അമൃത ഹട്ട് ലാബ്‌സിന്റെയും നേതൃത്വത്തിൽ മത്സരം സംഘടിപ്പിച്ചിരിക്കുന്നത്.

വിവിധ ആശയങ്ങൾ തിരഞ്ഞെടുത്ത ശേഷം മത്സരാർത്ഥികൾ മത്സരവേദിയിൽ വച്ചാണ് റോബോട്ടുകളെ രൂപപ്പെടുത്തുക. മത്സരം അവസാനിക്കുന്ന ആഗസ്റ്റ് 17ന് ഓരോ ടീമും അവർ വികസിപ്പിച്ചെടുത്ത റോബോട്ടുകളെ പരിചയപ്പെടുത്തും. തുടർന്നാണ് വിജയികളെ നിശ്ചയിക്കുക. ഇന്ത്യയിൽ നിന്നുള്ള ടീമുകൾക്ക് പുറമെ ജപ്പാൻ, ചൈന, യു.എസ്.എ, തായ്‌ലൻഡ്, ഈജിപ്ത്, സിംഗപ്പൂർ, സൗത്ത് കൊറിയ തുടങ്ങിയ രാജ്യങ്ങളിൽ നിന്നുള്ള ടീമുകളും മത്സരത്തിൽ പങ്കെടുക്കും. ആഗസ്റ്റ് 5ന് രാവിലെ 10ന് നടക്കുന്ന ഉദ്ഘാടന ചടങ്ങിൽ സിംഗപ്പൂർ കൗൺസിൽ ജനറൽ എഡ്ഗാർ പാങ് മുഖ്യാതിഥിയാകും.