കൊല്ലം: വയനാടിന് കൈത്താങ്ങായി എൻ.എസ് സഹകരണ ആശുപത്രിയും. മുഖ്യമന്ത്രിയുടെ ദുരിതാശ്വാസ നിധിയിലേക്ക് ആദ്യ ഘട്ടമായി 10 ലക്ഷം രൂപ കൈമാറി. സംഘത്തിന്റെ പൊതുനന്മാ ഫണ്ടിൽ നിന്നാണ് ഈ തുക കൈമാറിയത്.

2018ലെ പ്രളയകാലത്ത് ആശുപത്രിയിലെ ഡോക്ടർമാരും ജീവനക്കാരും ചേർന്ന് ഒരു കോടി 82 ലക്ഷം രൂപ മുഖ്യമന്ത്രിയുടെ പ്രളയ ദുരിതാശ്വാസ ഫണ്ടിലേക്കും ആശുപത്രി സംഘം 50 ലക്ഷം രൂപ കെയർ കേരള പദ്ധതിയിലേക്കും നൽകിയിരുന്നു. കൂടാതെ 2020ൽ കൊവിഡ് കാലത്ത് ഡോക്ടർമാരും ജീവനക്കാരും ചേർന്ന് ഒരു കോടി രൂപയും 2021ൽ വാക്‌സിൻ ചലഞ്ചേറ്റെടുത്ത് 25 ലക്ഷം രൂപയും സി.എം.ഡി.ആർ.എഫ് ഫണ്ടിലേക്ക് നൽകി. സി.എം.ഡി.ആർ.എഫ് ഫണ്ടിലേക്ക് ഏറ്റവുമധികം സംഭാവന നൽകിയ സംസ്ഥാനത്തെ ഏക സംഘമാണിത്.