കൊല്ലം: 2024-25 അദ്ധ്യയന വർഷത്തിലെ ഡിപ്ലോമ അഡ്‌മിഷനിൽ കൊട്ടിയം ശ്രീനാരായണ പോളിടെക്‌നിക് കോളേജിൽ ഒഴിവുള്ള റഗുലർ, ലാറ്ററൽ എൻട്രി സീറ്റുകൾ ഫില്ല് ചെയ്യുന്നതിനുള്ള സ്പോട്ട് അഡ്‌മിഷൻ 8ന് രാവിലെ 9ന് കൊട്ടിയം ശ്രീനാരായണ പോളിടെക്‌നിക് കോളേജിൽ നടക്കും. നിലവിൽ റാങ്ക് ലിസ്റ്റിൽ ഉൾപ്പെട്ടിട്ടുള്ളവർക്കും പുതുതായി അപേക്ഷ സമർപ്പിക്കുന്നവർക്കും സ്പോട്ട് അഡ്മിഷനിൽ പങ്കെടുക്കാം.

റാങ്ക് ലിസ്റ്റിൽ ഉൾപ്പെട്ടിട്ടുള്ള അപേക്ഷകർ അസൽ സർട്ടിഫിക്കറ്റുകളും പ്രോസ്പെക്ടസ് പ്രകാരമുള്ള ഫീസ്, പി.ടി.എ ഫണ്ട് എന്നിവ സഹിതം രക്ഷകർത്താക്കൾക്കൊപ്പം ഹാജരാകണം. സ്ഥാപന മാറ്റം ബ്രാഞ്ച് മാറ്റം എന്നിവ ആഗ്രഹിക്കുന്നവർ ഫീസ് അടച്ച രസീതും സർട്ടിഫിക്കറ്റുകളുടെ പകർപ്പും ഹാജരാക്കണം. വെബ് സൈറ്റ്: www.polyadmission.org. ലാറ്ററൽ എൻട്രി സ്‌കീമിൽ ഒഴിവുള്ള സീറ്റുകളുടെ വിശദ വിവരം www.polyadmission.org/let എന്ന വെബ്സൈറ്റിലെ Vacancy Position - എന്ന ലിങ്കിലും ലഭ്യമാണ്. ഫോൺ: 0474 2515499, 8281811074, 8075234094, 9188590801.