പരവൂർ: പൂതക്കുളത്ത് യുവതിയെ വീട്ടിനുള്ളിൽ മരിച്ച നിലയിൽ കണ്ടെത്തി. പൂതക്കുളം ഇടയാടി മുക്കം ചരുവിള വീട്ടിൽ ശ്യാമയാണ് (22) മരിച്ചത്. കഴിഞ്ഞ ദിവസം രാത്രി 9.30ന് ശ്യാമയുടെ ഭർത്താവ് ശ്യാം ശ്യാമയുടെ വീട്ടിലെത്തിയപ്പോഴാണ് മരിച്ച നിലയിൽ കണ്ടെത്തിയത്.

വീട്ടിൽ മറ്റാരും ഉണ്ടായിന്നില്ല. അച്ഛൻ തങ്കച്ചൻ നേരത്തെ മരിച്ചിരുന്നു. അമ്മ അസുഖത്തെ തുടർന്ന് മൂന്ന് മാസം മുമ്പ് മരിച്ചു. പരവൂർ പൊലീസ് ഇൻസ്‌പെക്ടർ ഡി.ദീപു, എസ്‌.ഐ വിഷ്ണു സജീവ് എന്നിവരുടെ നേതൃത്വത്തിൽ മേൽ നടപടി സ്വീകരിച്ചു.

പോസ്റ്റ് മോർട്ടത്തിനു ശേഷം മൃതദേഹം ബന്ധുക്കൾക്ക് വിട്ടുനൽകി. സംസ്‌കാരം വീട്ടുവളപ്പിൽ നടത്തി. പൊലീസ് അസ്വാഭാവിക മരണത്തിന് കേസെടുത്തു.