കൊല്ലം: ശ്രീ ശങ്കരാചാര്യ സംസ്‌കൃത സർവകലാശാല പന്മന പ്രാദേശിക കേന്ദ്രത്തിൽ 2024-25 അദ്ധ്യയന വർഷത്തിലെ നാലുവർഷ ബി.എ സംസ്‌കൃതം വേദാന്തം, ബി.എ മലയാളം കോഴ്സുകളിൽ എസ്‌.സി / എസ്‌.ടി, ജനറൽ, മറ്റിതര വിഭാഗങ്ങളിലേയ്ക്ക് എതാനും സീറ്റുകൾ ഒഴിവുണ്ട്. പ്ലസ്‌ടു / വൊക്കേഷണൽ ഹയർ സെക്കൻഡറി അഥവാ തത്തുല്യ അംഗീകൃത യോഗ്യതയുള്ളവർക്ക് (രണ്ട് വർഷം) മേൽപ്പറഞ്ഞ പ്രോഗ്രാമിലേയ്ക്ക് 24ന് മുമ്പായി നേരിട്ടെത്തി അഡ്മിഷൻ നേടാവുന്നതാണ്. പ്രായപരിധി 2024 ജൂൺ 1ന് 23 വയസിൽ കൂടരുത്. വിദ്യാഭ്യാസ യോഗ്യത തെളിയിക്കുന്ന ഒർജിനൽ സർട്ടിഫിക്കറ്റുകളും മറ്റ് രേഖകളും അഡ്മിഷൻ സമയത്ത് ഹാജരാക്കണം. ബി.എ സംസ്കൃതത്തിൽ അഡ്‌മിഷൻ നേടുന്ന എല്ലാ വിദ്യാർത്ഥികൾക്കും പ്രതിമാസം 500 രൂപ വീതം സ്കോളർഷിപ്പ് ലഭിക്കും. ഫോൺ: 8590419634, 9496711836.