അഞ്ചൽ: സി. കേശവൻ സ്മാരക സമിതിയുടെ ആഭിമുഖ്യത്തിൽ 18ന് ചതയദിന സമ്മേളനവും മതമൈത്രി സംഗമവും ഗുരുദേവ ദർശന പഠനക്ലാസും മുതിർന്ന ഗുരുധർമ്മ പ്രചാരകരെ ആദരിക്കലും നടക്കും.

വൈകിട്ട് 3.30ന് അഞ്ചൽ ശബരിഗിരി ശാന്തികേന്ദ്രത്തിൽ നടക്കുന്ന സമ്മേളനം മുൻ മന്ത്രി അഡ്വ. കെ. രാജു ഉദ്ഘാടനം ചെയ്യും. ഗുരുധർമ്മ പ്രചരണസഭ താലൂക്ക് പ്രസിഡന്റും ശബരിഗിരി ഗ്രൂപ്പ് ചെയർമാനുമായ ‌ഡോ. വി.കെ. ജയകുമാർ അദ്ധ്യക്ഷത വഹിക്കും. അഞ്ചൽ സെന്റ് ജോൺസ് സ്കൂൾ മാനേജർ ഫാ. ബോവസ് മാത്യു, അഞ്ചൽ സെൻട്രൽ ജുമാ മസ്ജിദ് ചീഫ് ഇമാം കടയ്ക്കൽ നിസാമുദ്ദീൻ ബാഖവി എന്നിവർ ചതയദിന സന്ദേശം നൽകും. ഗുരുദർശന പഠനക്ലാസ് ഉദ്ഘാടനം കേരളകൗമുദി റസിഡന്റ് എഡിറ്ററും കൊല്ലം യൂണിറ്റ് ചീഫുമായ എസ്. രാധാകൃഷ്ണൻ നിർവ്വഹിക്കും. അഞ്ചൽ സെന്റ് ജോൺസ് കോളേജ് മുൻ പ്രിൻസിപ്പൽ ഡോ. കെ.വി. തോമസ് കുട്ടി മുഖ്യ പ്രഭാഷണം നടത്തും. കെ.വി.വി.ഇ.എസ് സംസ്ഥാന ട്രഷറർ എസ്. ദേവരാജൻ, എസ്.എൻ.ഡി.പി യോഗം മുൻ യൂണിയൻ സെക്രട്ടറിയും ആനന്ദഭവൻ സെൻട്രൽ സ്കൂൾ ചെയർമാനുമായ അഡ്വ. ജി. സുരേന്ദ്രൻ, രചന ഗ്രാനൈറ്റ് എം.ഡി.യും എസ്.എൻ ട്രസ്റ്റ് ബോർഡ് മെമ്പറുമായ യശോധരൻ രചന, എസ്.എൻ.ഡി.പി യോഗം പുനലൂർ യൂണിയൻ വൈസ് പ്രസിഡന്റ് എ.ജെ. പ്രതീപ്, ഏരൂർ ഗ്രാമപഞ്ചായത്ത് മുൻ പ്രസിഡന്റ് ടി. അജയൻ, റിട്ട. ഡി.എഫ്.ഒ വി.എൻ. ഗുരുദാസ്, കെ.വി.വി.ഇ.എസ് അഞ്ചൽ യൂണിറ്റ് വർക്കിംഗ് പ്രസിഡന്റ് വി.എം. തോമസ് ശങ്കരത്തിൽ, ജി.ഡി.പി.എസ് മുൻ കേന്ദ്രകമ്മിറ്റി അംഗം ആർച്ചൽ സോമൻ, പുനലൂർ മണ്ഡലം സെക്രട്ടറി സി. സുരേഷ് കുമാർ, അഞ്ചൽ ടൗൺ ലയൺസ് ക്ലബ്ബ് പ്രസിഡന്റ് എം. നിർമ്മലൻ, ലയൺസ് സോൺ ചെയർമാൻ ടോണി മാത്യു ജോൺ, എസ്.എൻ.ഡി.പി യോഗം കുറവന്തേരി ശാഖ യൂണിയൻ പ്രതിനിധി വി. ഉദയഭാനു, അഞ്ചൽ മുസ്ലീം ജമാ അത്ത് മുൻ പ്രസിഡന്റ് ഫസിൽ അൽ അമാൻ, ആയുർ ഗോപിനാഥ്, മാതൃവേദി ജില്ലാ പ്രസിഡന്റ് മൃദുല, പ്രസാദ് കോമളം, എൻ.കെ. ബാലചന്ദ്രൻ ഇടയം, ബി. മുരളി പുത്താറ്റ്, ബി. മോഹൻകുമാർ ഭാഗ്യകുന്ന് എന്നിവർ സംസാരിക്കും. സി. കേശവൻ സ്മാരക സമിതി പ്രസിഡന്റ് അനീഷ് കെ.അയിലറ സ്വാഗതവും എക്സിക്യുട്ടിവ് അംഗം ആശോകൻ കുരുവിക്കോണം നന്ദിയും പറയും. അഞ്ചൽ ശാഖ പ്രസിഡന്റ് ബീനാ സോദരന്റെ നേതൃത്വത്തിൽ നടക്കുന്ന ഗുരുപാദം ഭജൻസിൽ ജലജ വിജയൻ, സുദർശന ശശി, രജനി മണി, ആശ ചന്ദ്രബാബു തുടങ്ങിയവർ പങ്കെടുക്കും.