എഴുകോൺ: എഴുകോൺ ഗ്രാമ പഞ്ചായത്തിലെ മിനിമാസ്റ്റ് അടക്കമുള്ള തെരുവ് വിളക്കുകൾ കത്താത്തതിൽ പ്രതിഷേധം. സി.പി.എം എഴുകോൺ ഈസ്റ്റ് ലോക്കൽ കമ്മിറ്റിയുടെ നേതൃത്വത്തിൽ കഴിഞ്ഞ ദിവസം വൈദ്യുത തൂണുകളിൽ മണ്ണെണ്ണ വിളക്ക് കത്തിച്ചു വച്ചും റീത്ത് സമർപ്പിച്ചും പ്രതിഷേധിച്ചു. പോച്ചംകോണത്ത് നടന്ന സമരം ഡി.വൈ.എഫ്.ഐ ജില്ലാ വൈസ് പ്രസിഡന്റ് എ. അഭിലാഷ് ഉദ്ഘാടനം ചെയ്തു. ലോക്കൽ കമ്മിറ്റി സെക്രട്ടറി എം.പി. മനേക്ഷ, എം.പി. മഞ്ജുലാൽ, ബ്രാഞ്ച് സെക്രട്ടറിമാരായ പി. ഹർഷകമാർ, അനിത, മഹിളാ അസോസിയേഷൻ നേതാവ് ഷൈലജ തുടങ്ങിയവർ പങ്കെടുത്തു.