കൊല്ലം: ജില്ലാ എംപ്ലോയ്‌മെന്റ് എക്സ്ചേഞ്ചിലെ എംപ്ലോയബിലിറ്റി രജിസ്ട്രേഷൻ ക്യാമ്പ് 23ന് പരവൂർ ടൗൺ എംപ്ലോയ്‌മെന്റ് എക്സ്ചേഞ്ചിൽ നടക്കും. രജിസ്റ്റർ ചെയ്യുന്ന ഉദ്യോഗാർത്ഥികൾക്ക് അഭിമുഖങ്ങൾ നേരിടുന്നതിനുള്ള പരിശീലനം, കമ്പ്യൂട്ടർ പരിജ്ഞാനം ജോലി ലഭിക്കുന്നതിനാവശ്യമായ ആത്മവിശ്വാസം സ്വായത്തമാക്കുന്നതിൽ ഉദ്യോഗാർത്ഥികളെ സഹായിക്കുകയും അവ‌ർക്ക് ജോലി ലഭ്യമാക്കുകയും ചെയ്യുന്ന പ്രവർത്തനങ്ങളും എംപ്ലോയബിലിറ്റി സെന്ററിൽ നടത്തിവരുന്നു.

പ്ലസ് ടു കഴിഞ്ഞ 18 നും 35 നും ഇടയിൽ പ്രായമുള്ള ഉദ്യോഗാർത്ഥികൾ ആഗസ്റ്റ് 23ന് രാവിലെ 10.30ന് ആധാർ കാർഡുമായി പരവൂർ ടൗൺ എംപ്ലോയ്‌മെന്റ് എക്സ്ചേഞ്ചിൽ എത്തിച്ചേരണം. ഫോൺ: 04742740615, 8281359930.