കൊല്ലം: തെക്കൻ കേരളത്തിലെ ഏറ്റവും വലിയ ഫർണിച്ചർ ശൃംഖലയായ ശ്രീഭദ്ര ഫർണിച്ചർ ഷോറൂം പത്തനാപുരത്ത് ഗതാഗത വകുപ്പ് മന്ത്രി കെ.ബി.ഗണേശ് കുമാർ ഉദ്ഘാടനം ചെയ്തു. ചലച്ചിത്ര നടി ഭാമ മുഖ്യാതിഥിയായി. പത്തനാപുരം ഗ്രാമപഞ്ചായത്ത് പ്രസിഡന്റ് എസ്.തുളസി, വാർഡ് അംഗം പ്രിൻസി സജി, ഹരി പത്തനാപുരം, ഗാന്ധിഭവൻ ജനറൽ സെക്രട്ടറി ഡോ. പുനലൂർ സോമരാജൻ, ശ്രീഭദ്ര ഫർണിച്ചർ ഗ്രൂപ്പ് മാനേജിംഗ് ഡയറക്ടർ സുനിൽ ശ്രീഭദ്ര എന്നിവർ സംസാരിച്ചു. ഉദ്ഘാടന ചടങ്ങിൽ പങ്കെടുത്തവരിൽ നിന്ന് കൂപ്പൺ നറുക്കെടുപ്പിലൂടെ മൂന്നുപേർക്ക് സ്വർണനാണയങ്ങൾ സമ്മാനിച്ചു. പത്തനാപുരം കല്ലുംകടവിൽ 40,000 ചതുരശ്ര അടി വിസ്തീർണമുള്ള വലിയ ഷോറൂമാണ് മന്ത്രി നാടിന് സമർപ്പിച്ചത്. പത്തനാപുരം, കൊട്ടാരക്കര, പുനലൂർ, ആയൂർ ഷോറൂമുകളിലും ഓണക്കാലത്ത് വമ്പർ ഓഫറുകളാണ് ഏർപ്പെടുത്തിയിട്ടുള്ളത്. എല്ലാ പർച്ചേസിനും ഓണപ്പുടവ ലഭിക്കും. സെപ്തംബർ 30വരെ പർച്ചേസ് ചെയ്യുന്നവരിൽ നിന്ന് നറുക്കെടുപ്പിലൂടെ ഭാഗ്യശാലിയെ കണ്ടെത്തി പർച്ചേസ് തുക മുഴുവൻ തിരികെ നൽകും. മേൽത്തരം ഫർണിച്ചറുകൾക്കടക്കം 50 ശതമാനംവരെ വിലക്കുറവും ഏർപ്പെടുത്തിയിട്ടുണ്ട്.