കൊല്ലം: യുഗപ്രഭാവനായ ശ്രീനാരായണ ഗുരുദേവന്റെ 170-ാമത് ജയന്തി എസ്.എൻ.ഡി.പി യോഗം കുണ്ടറ യൂണിയന്റെ നേതൃത്വത്തിൽ 44 ശാഖകളും പോഷക സംഘടനകളും ചേർന്ന് വിപുലമായി ആഘോഷിക്കും.

ഇന്നു രാവിലെ ഗുരുപൂജ, പതാക ഉയർത്തൽ, വൈകിട്ട് 3.30ന് നീരാവിൽ എസ്.എൻ.ഡി.പി.ഹയർസെക്കൻഡറി സ്‌കൂളുമായി ചേർന്ന് നിശ്ചലദൃശ്യങ്ങൾ, വാദ്യമേളങ്ങൾ, മറ്റ് നാടൻ കലാരൂപങ്ങൾ എന്നിവ ഉൾപ്പെടുത്തി ആയിരങ്ങൾ പങ്കെടുക്കുന്ന ഗുരുദേവ ജയന്തി ഘോഷയാത്ര കുണ്ടറ ആറുമുറിക്കട മാർത്തോമ്മ സ്‌കൂൾ അങ്കണത്തിൽ നിന്ന് ആരംഭിച്ച് ഇളമ്പള്ളൂർ ക്ഷേത്ര മൈതാനിയിൽ എത്തിച്ചേരും. തുടർന്ന് നടക്കുന്ന സമ്മേളനം എസ്.എൻ.ഡി.പി യോഗം വൈസ് പ്രസിഡന്റ് തുഷാർ വെള്ളാപ്പള്ളി​ ഉദ്ഘാടനം ചെയ്യും. കുണ്ടറ യൂണിയൻ പ്രസിഡന്റ് ഡോ. ജി. ജയദേവൻ അദ്ധ്യക്ഷത വഹി​ക്കും. വയനാട് ദുരന്തത്തിൽ മരി​ച്ചവരോടുള്ള ആദരസൂചകമായി പ്രാർത്ഥനയും മൺചെരാതിൽ ദീപം തെളിക്കലും നടക്കും. ശ്രീനാരായണഗുരു ഓപ്പൺ സർവ്വകലാശാല വൈസ് ചാൻസലർ ഡോ.വി.പി. ജഗതിരാജ് മുഖ്യപ്രഭാഷണവും സ്‌കോളർഷിപ്പ് വിതരണവും ആദരിക്കലും നിർവ്വഹിക്കും. സമ്മേളനത്തിൽ കാവേരി ജി. രാമചന്ദ്രൻ (നിയുക്ത ബോർഡ് മെമ്പർ), കെ.നകുലരാജൻ (നിയുക്ത ബോർഡ് മെമ്പർ), സിബു വൈഷ്ണവ് (പഞ്ചായത്ത് കമ്മിറ്റി അംഗം, യൂത്ത് മൂവ്‌മെന്റ് സംസ്ഥാന വൈസ് പ്രസിഡന്റ്), എസ്. അനിൽകുമാർ (യൂണിയൻ കൗൺസിലർ), വി. സജീവ് (യൂണിയൻ പഞ്ചായത്ത് കമ്മിറ്റി അംഗം), പ്രിൻസ് സത്യൻ (യൂണിയൻ കൗൺസിലർ), വി​. ഹനീഷ് (യൂണിയൻ കൗൺസിലർ), പി.പുഷ്പപ്രതാപ് (യൂണിയൻ കൗൺസിലർ), ജി. ലിബു (യൂണിയൻ കൗൺസിലർ), എസ്. ഷൈബു (യൂണിയൻ കൗൺസിലർ), പി. തുളസീധരൻ (യൂണിയൻ പഞ്ചായത്ത് കമ്മിറ്റി അംഗം), എസ്. ദീപ്തി (പ്രിൻസിപ്പൽ, എസ്.എൻ.ഡി.പി. വൈ.എച്ച്.എസ്.എസ്, നീരാവിൽ), എം.ജി​. ശ്രീലത (ചെയർപേഴ്‌സൺ, വനിതാസംഘം), വി​.ആർ. സച്ചു (കൺവീനർ, വനിതാസംഘം), എം.ആർ. ഷാജി (സൈബർസേന ചെയർമാൻ), മനോജ് ബാബു (സൈബർസേന കൺവീനർ), അഡ്വ. പി.എസ്. വിജയകുമാർ (ശ്രീനാരായണ എംപ്ലോയീസ് പെൻഷണേഴ്‌സ് ഫോറം പ്രസിഡന്റ്), അംബുജാക്ഷപ്പണിക്കർ (ശ്രീനാരായണ എംപ്ലോയീസ് പെൻഷണേഴ്‌സ് ഫോറം സെക്രട്ടറി), എസ്. സുബിൻ (സെക്രട്ടറി, എസ്.എൻ.ഡി.പി. യൂത്ത്മൂവ്‌മെന്റ്), രാജേഷ് (ശ്രീനാരായണ എംപ്ലോയീസ് ഫോറം പ്രസിഡന്റ്), ഡോ. നെടുവത്തൂർ ഗണേശൻ തന്ത്രി (വൈദിക സമിതി പ്രസിഡന്റ്) എന്നിവർ സംസാരി​ക്കും. യൂണിയൻ സെക്രട്ടറി അഡ്വ. എസ്. അനിൽകുമാർ സ്വാഗതവും വൈസ് പ്രസിഡന്റ് എസ്. ഭാസി നന്ദിയും പറയും.