കൊല്ലം: തഴുത്തല നാഷണൽ പബ്ലിക് സ്കൂൾ കൊല്ലം ഫുഡ് സേഫ്ടി വിഭാഗത്തിന്റെ ഈറ്റ് റൈറ്റ് സ്കൂൾ പദവി നേടി. ഇതോടൊപ്പം സ്കൂളിനെ ഫുഡ് സേഫ്ടി ക്യാമ്പസായി പ്രഖ്യാപിക്കുകയും ചെയ്തു.

കൊല്ലം ഫുഡ് സേഫ്റ്റി ഡിപ്പാർട്ട്മെൻറ് അസിസ്റ്റന്റ് കമ്മി​ഷണർ വിനോദ് കുമാർ സ്കൂളിൽ നടന്ന ചടങ്ങിൽ സ്കൂൾ ചെയർമാൻ ഡോ. കെ.കെ. ഷാജഹാന് സർട്ടിഫിക്കറ്റ് കൈമാറി. ഫുഡ് സേഫ്ടി​ ക്ലബുകളുടെയും ആരോഗ്യകരമായ ഭക്ഷണ ശൈലിയുടെയും പ്രാധാന്യത്തെക്കുറിച്ച് വിനോദ്കുമാർ വി​വരി​ച്ചു. വിവിധ മേഖലകളിലുള്ള സ്കൂളിന്റെ സംഭാവനകളും വിദ്യാർത്ഥികളുടെ ആത്മാർത്ഥമായ പ്രവർത്തന ശൈലിയുമാണ് വിജയത്തിന് കാരണമെന്ന് ഡോ.കെ.കെ. ഷാജഹാൻ പറഞ്ഞു. ഫുഡ് സേഫ്ടി​ ഓഫീസർ അഞ്ജു, സ്കൂൾ പ്രിൻസിപ്പൽ നാസിം സെയ്ൻ, കോ ഓർഡിനേറ്റർ നജുമ എന്നിവർ സംസാരിച്ചു. ജിസ്മി, ഷർമി, പ്രീതി എന്നീ അദ്ധ്യാപകരാണ് ഫുഡ് സേഫ്ടി​ ക്ലബിന്റെ ചുമതല വഹിക്കുന്നത്..