കൊല്ലം: കൊട്ടിയം ശ്രീനാരായണ പോളിടെക്‌നിക് കോളേജിലെ പൂർവ്വ വിദ്യാർത്ഥികളുടെ സ്നേഹസംഗമവും കുടുംബ കൂട്ടായ്‌മയും കൊല്ലം റാഹത് ഹോട്ടലിൽ നടന്നു. 1978- 81 കാലഘട്ടത്തിൽ വിദ്യാർത്ഥികളായിരുന്നവരും കുടുംബാംഗങ്ങളും പങ്കെടുത്ത സംഗമം ഒത്തൊരുമയുടെ അപൂർവ്വ വേദിയായി. അമേരിക്ക, ന്യൂയോർക്ക്, ദുബായ്, മുംബയ് എന്നിവിടങ്ങളിൽ നിന്നെത്തിയ ഷാജി മത്തായി, അശോക് കുമാർ, ജേക്കബ്, അനിൽ മാത്യു, സാം കുട്ടി എന്നിവരുടെ സാന്നിദ്ധ്യം സംഗമത്തെ വേറിട്ടതാക്കി. പ്രസിഡന്റ് പി.എസ്. ജോൺ, സെക്രട്ടറി മധു അമ്പാട്ട്, അനിൽ മാത്യു, മനോഹരൻ എന്നിവർ നേതൃത്വം നൽകി.
പുതിയ ഭരണസമിതി പ്രസിഡന്റായി എ.ഡി. ബാബുരാജിനെയും സെക്രട്ടറിയായി ആന്റണി മച്ചാഡിനെയും ട്രഷറർമാരായി ബി. ലതിക, എം.എസ്. അജയഭാനു (ട്രഷറർ) എന്നിവരെയും തിരഞ്ഞെടുത്തു. ആബിദ ബീഗം, വി. സുനോജ് (സിവിൽ), എം.വി. ജേക്കബ്- മുംബയ്, ജേക്കബ് വി.തോമസ് (മെക്കാനിക്കൽ), ആർ. അജയൻ, മധുസുദനൻ പിള്ള (ഇലക്ട്രിക്കൽ) എന്നിവരെ തിരഞ്ഞെടുത്തു.