പരവൂർ: വൃക്കയിൽ ഫ്ലൂയിഡ് കെട്ടിക്കിടക്കുന്ന രോഗംമൂലം വലയുന്ന 13 വയസുകാരി ചികിത്സാ സഹായം തേടുന്നു. പരവൂർ കോട്ടപ്പുറം പുതിയിടത്ത് വാടകയ്ക്ക് താമസിക്കുന്ന ഇരവിപുരം സ്വദേശി റെനോളയുടെ മകൾ സ്നേഹയാണ് ദുരിതമനുഭവിക്കുന്നത്.

രോഗം മൂർച്ഛിച്ചതോടെ തുടർചികിത്സയ്ക്കായി സ്നേഹയെ തിരുവനന്തപുരം എസ്.എ.ടി ആശുപത്രിയിൽ പ്രവേശിപ്പിച്ചു. എട്ടാംക്ലാസ് വിദ്യാർത്ഥിനിയായ സ്നേഹയ്ക്ക് രോഗംമൂലം ഏറെനാളായി സ്കൂളിലും പോകാൻ കഴിയുന്നില്ല.

കൂലിപ്പണി ചെയ്ത് കിട്ടുന്ന റെനോളയുടെ വരുമാനം കൊണ്ട് ചികിത്സ തുടരാൻ ബുദ്ധിമുട്ടുകയാണ്. സ്നേഹയുടെ പിതാവ് ഇവരെ ഉപേക്ഷിച്ചുപോയതാണ്. പരവൂർ നഗരസഭ പുതിയിടം വാർഡ് കൗൺസിലർ ശൈലജയുടെ നേതൃത്വത്തിൽ സഹായസമിതി രൂപീകരിച്ചു. റെനോളയുടെ അക്കൗണ്ട് നമ്പർ: 40758101007365 (കേരള ഗ്രാമീൺ ബാങ്ക്, കൊല്ലം). ഐ.എഫ്.എസ്.സി കോഡ്: കെ.എൽ.ജി.ബി 0040563. ഗൂഗിൾ പേ നമ്പർ: 8089874705.