കൊല്ലം: ഇരവിപുരം തോടിന്റെ കരയിൽ, നീലച്ചടയൻ കഞ്ചാവ് ചെടി എക്സൈസ് കണ്ടെത്തി. 125 സെന്റിമീറ്റർ ഉയരമുണ്ട്. ഓണക്കാല പരിശോധനയുടെ ഭാഗമായി നടത്തിയ തെരച്ചിലിലാണ് ചെടി​ കണ്ടെടുത്തത്. കൊല്ലം ബീച്ച് ഉൾപ്പെടെയുള്ള പ്രദേശങ്ങളിൽ മയക്കു മരുന്ന് വിപണനം വ്യാപകമായതിനെ തുടർന്നാണ് ഇവിടങ്ങളിൽ പരിശോധന ശക്തമാക്കിയത്. കൊല്ലം എക്സൈസ് സർക്കിൾ ഓഫീസ് പ്രിവന്റീവ് ഓഫീസർ എസ്.ആർ. ഷെറിൻരാജിന്റെ നേതൃത്വത്തിലായിരുന്നു പരിശോധന. സി​.ഇ.ഒ അഖിൽ, ശ്രീനാഥ്, ശ്രീവാസ്, ശിവപ്രകാശ് എന്നിവർ റെയ്ഡിൽ പങ്കെടുത്തു. മദ്യം, മയക്ക് മയക്കു മരുന്ന് എന്നി​വയെ പറ്റിയുള്ള വിവരങ്ങൾ കൊല്ലം സർക്കിൾ ഓഫീസിൽ അറി​യി​ക്കാം. ഫോൺ​:
0474 2768671, 9400069441.