പത്തനാപുരം: അനാഥത്വത്തിന്റെ പാതയിൽ കാലിടറി വീണ അനേകായിരങ്ങളെ പുതുജീവിതത്തിലേക്ക് നയിക്കാൻ മുൻനിരയിൽ പ്രവർത്തിക്കുന്ന പത്തനാപുരം ഗാന്ധിഭവൻ സെക്രട്ടറി ഡോ. പുനലൂർ സോമരാജന് ഗോൾഡൻ ജൂബിലി പുരസ്​കാരം. ജീവകാരുണ്യ മേഖലയിൽ മികച്ച പ്രവർത്തനങ്ങൾ കാഴ്ചവച്ചതിന്റെ അടിസ്ഥാനത്തിലാണ് പാറംകോട് ഹോളി ട്രിനിറ്റി മാർത്തോമ്മ ഇടവക മിഷൻ ഏർപ്പെടുത്തിയ പുരസ്​കാരം ലഭിച്ചത്. റവ. ലിജോ കുഞ്ഞച്ചൻ ചടങ്ങിൽ പുരസ്​കാരം സമ്മാനിച്ചു. കാരുണ്യത്തിന്റെ കൈത്താങ്ങ് എന്ന ജീവകാരുണ്യ പദ്ധതിയുടെ ഉദ്ഘാടനവും സദസിൽ നിർവഹിച്ചു. ജോൺസൺ വേങ്ങൂർ, തേവന്നൂർ ഗോപാലകൃഷ്ണപിളള, ജോർജ് മാത്യു, ജി. തോമസ് എന്നിവർ ചടങ്ങിൽ പങ്കെടുത്തു.