പടിഞ്ഞാറെകല്ലട: ജനങ്ങളുടെ പട്ടിണി മാറ്റാനും സ്ത്രീ ശാസ്തീകരണത്തിനുമായി കോൺഗ്രസ് സർക്കാർ നടപ്പിലാക്കിയ മഹാത്മാ ഗാന്ധി ദേശീയ തൊഴിലുറപ്പ് പദ്ധതിയിൽ അശാസ്ത്രീയ പരിഷ്കാരങ്ങൾ നടപ്പിലാക്കാൻ ആരെയും അനുവദിക്കില്ലെന്നും തൊഴിലുറപ്പ് തൊഴിലാളികളുടെ പ്രശ്നങ്ങൾ കോൺഗ്രസ് ഏറ്റെടുക്കുമെന്നും ഡി.സി.സി പ്രസിഡന്റ് പി.രാജേന്ദ്ര പ്രസാദ് പ്രഖ്യാപിച്ചു. മിനിമം വേതനം 699 രൂപയാക്കുക,എൻ.എൻ.എം.എസ് ഫോട്ടോയെടുക്കൽ അവസാനിപ്പിക്കുക, അളവുംകനവും അശാസ്ത്രീയമായി പരിശോധിച്ച് വേതനം വെട്ടി കുറക്കുന്നത് അവസാനിപ്പിക്കുക, ഉത്സവബത്ത 3000 രൂപയായി വർദ്ധിപ്പിക്കുക, ഇ.എസ്.ഐ യും ക്ഷേമനിധിയും നടപ്പിലാക്കുക എന്നീ ആവശ്യങ്ങൾ ഉന്നയിച്ച് ശാസ്താംകോട്ട ബ്ലോക്ക് പഞ്ചായത്തിലേക്ക് നടത്തിയ മാർച്ചും ധർണയും ഉദ്ഘാടനം ചെയ്യുകയായിരുന്നു അദ്ദേഹം. നിയോജക മണ്ഡലം പ്രസിഡന്റ് വൈ.ഷാജഹാൻ അദ്ധ്യക്ഷനായി. കോൺഗ്രസ് ബ്ലോക്ക് പ്രസിഡന്റ് കാരക്കാട്ട് അനിൽ ഐ.എൻ.ടി.യു.സി സംസ്ഥാന നിർവാഹ സമിതി അംഗം തുണ്ടിൽ നൗഷാദ്,റീജീയണൽ പ്രസിഡന്റ് തടത്തിൽ സലിം,പഞ്ചായത്ത് പ്രസിസന്റുമാരായ എസ്. ശ്രീകുമാർ , ബിനു മംഗലത്ത്, ഡി.സി.സി ഭാരവാഹികളായ തോമസ് വൈദ്യൻ, അഡ്വ.ബി.ത്രിദീപ് കുമാർ , ദിനേശ് ബാബു, ഗോകുലം അനിൽ, സുരേഷ് ചന്ദ്രൻ, ജി.ഗംഗാദേവി, എം.വൈ.നിസാർ , ഗോപൻപെരുവേലിക്കര, നസീർ , കോശി വൈദ്യൻ തുടങ്ങിയവർ സംസാരിച്ചു.