തൃശൂർ: സർക്കാരിന്റെ മൂന്നാം വാർഷികത്തിന്റെ ഭാഗമായുള്ള നാലാം നൂറുദിന പരിപാടിയുടെ ഭാഗമായി മന്ത്രി എം.ബി.രാജേഷിന്റെ നേതൃത്വത്തിൽ 13ന് ടൗൺ ഹാളിൽ ജില്ലാതല തദ്ദേശ അദാലത്ത് നടത്തും. സമയപരിധിക്കകം സേവനം ലഭിക്കാത്ത പരാതികൾ, മന്ത്രിക്ക് ലഭിച്ച നിവേദനങ്ങൾ, സ്ഥിരം അദാലത്ത് സമിതി, തദ്ദേശ സ്വയംഭരണ വകുപ്പിന്റെ ഓഫീസുകൾ എന്നിവയിൽ തീർപ്പാക്കാതെയുള്ള പരാതികൾ എന്നിവ പരിഗണിക്കും. ലൈഫ് മിഷനിൽ പുതിയ അപേക്ഷകൾ, അതിദാരിദ്ര്യ നിർമ്മാർജ്ജന പദ്ധതിയുമായി ബന്ധപ്പെട്ട പുതിയ അപേക്ഷകൾ, ജീവനക്കാരുടെ സർവീസ് വിഷയങ്ങൾ എന്നിവ പരിഗണിക്കില്ല. https://adalat.lsgkerala.gov.in പോർട്ടലിലെ സിറ്റിസൺ ലോഗിൻ മുഖേന അദാലത്ത് തീയതിക്ക് അഞ്ച് ദിവസം മുമ്പ് വരെയും അദാലത്തിലും പരാതിപ്പെടാം. രാവിലെ എട്ടരയ്ക്കാണ് രജിസ്‌ട്രേഷൻ.