തൃശൂർ: മേത്തല ശ്രീനാരായണ സമാജത്തിന്റെ 28-ാമത് ഗുരുദർശന അവാർഡ് ഷൗക്കത്ത് രചിച്ച 'ബുദ്ധ: സമ്യക്കായ ജീവിതവീക്ഷണം' എന്ന കൃതിക്ക് ലഭിച്ചു. 25,000 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം. ശ്രീനാരായണ ഗുരുജയന്തി ദിനത്തിൽ മേത്തല സമാജം ഹാളിൽ രാവിലെ പത്തിന് നടക്കുന്ന ചടങ്ങിൽ അവാർഡ് വിതരണം ചെയ്യും. ഇതോടൊപ്പം മികച്ച വിജയം നേടിയ വിദ്യാർത്ഥികൾക്കുള്ള ക്യാഷ് അവാർഡ് വിതരണവും നടക്കും. സുനിൽ പി.ഇളയിടം ചെയർമാനായ സമിതിയാണ് കൃതി തെരഞ്ഞെടുത്തതെന്ന് ജൂറി അംഗം ഡോ.ആദർശ്, സമാജം വൈസ് പ്രസിഡന്റ് എം.ബിജുകുമാർ, അമ്പിളി കുമാർ എന്നിവർ വാർത്താസമ്മേളത്തിൽ പറഞ്ഞു.