കൊടുങ്ങല്ലൂർ: ശ്രീനാരായണപുരം പഞ്ചായത്തിൽ ആഴ്ചകളായി കുടിവെള്ള വിതരണം നിലച്ചതിൽ പ്രതിഷേധിച്ച് എസ്.എൻ പുരം മണ്ഡലം കോൺഗ്രസ് കമ്മിറ്റി പഞ്ചായത്തിലേക്ക് പ്രതിഷേധ മാർച്ച് നടത്തി. മാർച്ച് പഞ്ചായത്ത് ഓഫീസിനു മുൻപിൽ പൊലീസ് തടഞ്ഞു. ഡി.സി.സി ജനറൽ സെക്രട്ടറി അഡ്വ. വി.എം. മുഹിയദ്ദീൻ ഉദ്ഘാടനം ചെയ്തു. പ്രൊഫ. കെ.എ. സിറാജ് അദ്ധ്യക്ഷനായി. പി.ബി. ജയലക്ഷ്മി, പി.കെ. അബ്ദുൾ റഹിമാൻ, സൈനുദ്ദീൻ കാട്ടകത്ത്, കെ.ആർ. അശോകൻ, കെ.ആർ. നിതീഷ് കുമാർ, സലാം കുഴുപ്പുള്ളി, ബീരാൻ കണ്ണെഴുത്ത് തുടങ്ങിയവർ പ്രസംഗിച്ചു. ടി.എസ്. രാജേന്ദ്രൻ സ്വാഗതവും സുധൻ കാവുങ്ങൽ നന്ദിയും പറഞ്ഞു.