തൃശൂർ: വയനാട് ജനതയുടെ അതിജീവനത്തിന് കൈത്താങ്ങായി എൻഡ്യൂറൻസ് അത്‌ലറ്റ്‌സ് ഒഫ് തൃശൂർ. ദൃശ്യം ഐ കെയർ ഹോസ്പിറ്റലിന്റെ സഹകരണത്തോടെ നടത്തിയ ' റൺ ഫൊർ വയനാട് 5 കിലിമീറ്റർ' കളക്ടർ അർജുൻ പാണ്ഡ്യൻ ഫ്‌ളാഗ് ഒഫ് ചെയ്തു. മുഖ്യാതിഥിയായി പങ്കെടുത്ത സിറ്റി പൊലീസ് കമ്മിഷണർ ആർ. ഇളങ്കോ കളക്ടറോടൊപ്പം 5 കിലോമീറ്റർ ഓടി. തെക്കെ ഗോപുര നടയിൽ നിന്നാരംഭിച്ച് സ്വരാജ് റൗണ്ട്, വടക്കെ സ്റ്റാൻഡ്, അശ്വനി ജംഗ്ഷൻ, പാട്ടുരായ്ക്കൽ, വിദ്യാർത്ഥി കോർണർ വഴി തിരികെ തെക്കെ ഗോപുരനടയിൽ അവസാനിക്കുന്നതായിരുന്നു മിനി മാരത്തോൺ. അംഗങ്ങൾ സ്വരൂപിച്ച 75,720 രൂപ പ്രതിനിധികളായ പ്രശാന്ത് എം, റീമോൻ ആന്റണി, രാമകൃഷ്ണൻ വി.എ എന്നിവർ കളക്ടർക്ക് കൈമാറി. നൂറ്റിയമ്പതോളം പേർ പങ്കെടുത്തു.