ഇരിങ്ങാലക്കുട : തേലപ്പള്ളിയിൽ നിന്നും 20 ഗ്രാം എം.ഡി.എം.എയും മോട്ടോർ സൈക്കിളും സഹിതം ശ്യാം എന്ന യുവാവിനെ പിടികൂടിയ കേസിൽ എം.ഡി.എം.എ നൽകിയ മൊത്തക്കച്ചവടക്കാരനെ തൃശൂർ റൂറൽ ഡൻസാഫ് ടീമും ഇരിങ്ങാലക്കുട പൊലീസും ചേർന്ന് പിടികൂടി. പുത്തൂർ കൈനൂർ സ്വദേശി കാങ്കാളൻ വീട്ടിൽ ജ്യോതിഷ് (24) നെയാണ് പ്രത്യേക പൊലീസ് സംഘം അറസ്റ്റ് ചെയ്തത്. തൃശൂർ റൂറൽ ജില്ലാ പൊലീസ് മേധാവിക്ക് ലഭിച്ച രഹസ്യ വിവരത്തെ തുടർന്ന് തൃശൂർ റൂറൽ ഡാൻസാഫ് സംഘവും ഇരിങ്ങാലക്കുട പൊലീസും സംയുക്തമായി നടത്തിയ അന്വേഷണത്തിലാണ് പ്രതി അറസ്റ്റിലായത്. തൃശൂർ റൂറൽ ജില്ലാ പൊലീസ് മേധാവി നവനീത് ശർമ്മയുടെ നിർദ്ദേശ പ്രകാരം ജില്ലാ ക്രൈംബ്രാഞ്ച് ഡിവൈ.എസ്.പി: ഉല്ലാസ് കുമാർ, ഇരിങ്ങാലക്കുട ഡിവൈ.എസ്.പി: കെ.ജി. സുരേഷ് എന്നിവരുടെ നേതൃത്വത്തിൽ ഇരിങ്ങാലക്കുട പൊലീസ് സ്റ്റേഷൻ സബ് ഇൻസ്‌പെക്ടർമാരായ കെ. അജിത്ത്, സതീശൻ, തൃശൂർ റൂറൽ ഡാൻസഫ് എസ്.ഐമാരായ പി. ജയകൃഷ്ണൻ, ടി.ആർ. ഷൈൻ, എ.എസ്.ഐ: സൂരജ് വി.ദേവ്, ഡാൻസാഫ് അംഗങ്ങളായ പി.എക്‌സ്. സോണി, കെ.ജെ. ഷിന്റോ എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
പടം.....................ജ്യോതിഷ്.