തൃശൂർ : സർക്കാരിന്റെ മൂന്നാം വാർഷികത്തോടനുബന്ധിച്ച് മന്ത്രി എം.ബി.രാജേഷിന്റെ നേതൃത്വത്തിൽ ജില്ലാതല തദ്ദേശ അദാലത്ത് സെപ്തംബർ 9 ന് വി.കെ.എൻ മേനോൻ ഇൻഡോർ സ്റ്റേഡിയത്തിൽ രാവിലെ 8.30 മുതൽ നടക്കും. അദാലത്തിൽ തദ്ദേശ സ്വയംഭരണ സ്ഥാപനങ്ങളിൽ അപേക്ഷ നൽകിയതും എന്നാൽ സമയപരിധിക്കകം സേവനം ലഭിക്കാത്തതുമായ വിഷയങ്ങളിലുള്ള പരാതികൾ, മന്ത്രിക്ക് ലഭിച്ച നിവേദനങ്ങൾ, സ്ഥിരം അദാലത്ത് സമിതി തുടങ്ങിയവയിൽ തീർപ്പാക്കാതെയുള്ള പരാതികൾ, തദ്ദേശ സ്ഥാപനങ്ങളുമായി ബന്ധപ്പെട്ട പുതിയ പരാതികൾ/ നിർദ്ദേശങ്ങൾ എന്നിവ പരിഗണിക്കും. തദ്ദേശ സ്വയംഭരണ വകുപ്പിന്റെ http-s://adalat.lsgkerala.gov.in എന്ന ഓൺലൈൻ പോർട്ടലിലെ സിറ്റിസൺ ലോഗിൻ മുഖേന അദാലത്ത് തീയതിക്ക് 5 ദിവസം മുമ്പ് വരെ പരാതി സമർപ്പിക്കാം.