തൃശൂർ: വ്യവസായ വകുപ്പിനു കീഴിലുള്ള വരവൂർ വ്യവസായ എസ്റ്റേറ്റിൽ ഉത്പാദന മേഖലയിൽ സംരംഭം തുടങ്ങാൻ ഹയർ പർച്ചേസ് വ്യവസ്ഥയിൽ വ്യവസായ ഭൂമി അനുവദിക്കും. പ്രകൃതി സൗഹൃദ സംരംഭങ്ങൾക്കാണ് അനുവദിക്കുക. കാർഷികാധിഷ്ഠിത ഭക്ഷ്യ സംസ്‌കരണ യൂണിറ്റുകൾ, റെഡിമെയ്ഡ് ഗാർമെന്റ്‌സ്, സി.എൻ.സി, ഇലക്ട്രോണിക്‌സ് തുടങ്ങിയവയ്ക്ക് മുൻഗണന. ഫീസ്: 5515 രൂപ. ഇ.എം.ഡി 10,000 രൂപ. സ്ഥലം ആവശ്യമുള്ള സംരംഭകർ www.industry.kerala.gov.in മുഖേന ഓൺലൈനായി അപേക്ഷിക്കണം. ഓൺലൈനായി അപേക്ഷിച്ച് പ്രിന്റെടുത്ത് അസ്സൽ ചലാൻ സഹിതം ജില്ലാ വ്യവസായ കേന്ദ്രത്തിൽ സെപ്തംബർ 13നകം ലഭ്യമാക്കണം. വിശദവിവരങ്ങൾക്ക് ഫോൺ: 0487 2361945, 2360847.