നേമം: പള്ളിച്ചൽ കസ്തൂർബ ഗ്രാമീണ ഗ്രന്ഥശാലയുടെ ആഭിമുഖ്യത്തിൽ ഭരണഘടന സാക്ഷരത പദ്ധതിയുടെ വോളന്റിയർമാർക്കായുള്ള പരിശീലന പരിപാടി പള്ളിച്ചൽ ഗ്രാമപഞ്ചായത്ത് പ്രസിഡന്റ് കെ.രാകേഷ് ഉദ്ഘാടനം ചെയ്തു. വികസന കാര്യ സ്റ്റാൻഡിംഗ് കമ്മിറ്റി ചെയർമാൻ വി.വിജയൻ അദ്ധ്യക്ഷത വഹിച്ചു.ഇൻസ്റ്റിറ്റ്യൂട്ട് ഒഫ് പാർലമെന്ററി അഫേഴ്സ്, പി.ആർ.ഡി, പള്ളിച്ചൽ ഗ്രാമപഞ്ചായത്ത്, നാഷണൽ സർവീസ് സ്കീം, മലയിൻകീഴ് ഗവ. ആർട്സ് ആൻഡ് സയൻസ് കോളേജ് എന്നിവയുടെ സഹായത്തോടുകൂടിയാണ് സാക്ഷരതായജ്ഞം സംഘടിപ്പിച്ചത്. കേരള യൂണിവേഴ്സിറ്റി സോഷ്യോളജി വിഭാഗം അസിസ്റ്റന്റ് പ്രൊഫസർ എസ്.ജി.ബീനാമോൾ വിഷയാവതരണം നടത്തി.എൻ.എസ്.എസ് പ്രോഗ്രാം ഓഫീസർ ഡോ.അഭിലാഷ്, ഗ്രന്ഥശാല സെക്രട്ടറി എം.മഹേഷ് കുമാർ, ഗിരീഷ് പരുത്തിമഠം, സുനിൽകുമാർ.ആർ.വി, പി.എസ്.മധുസൂദനൻ, ഹരിചാരുത, ഗ്രന്ഥശാല പ്രസിഡന്റ് എം.കെ.സാവിത്രി, വോളന്റിയർ സെക്രട്ടറി വിനോദ് കുമാർ.എ എന്നിവർ സംസാരിച്ചു.