തിരുവനന്തപുരം:തീരദേശത്ത് വേലിയേറ്റ രേഖയിൽ നിന്ന് 50 മീറ്ററിനുള്ളിൽ താമസിക്കുന്ന കുടുംബങ്ങളെ സുരക്ഷിത മേഖലയിൽ പുനരധിവസിപ്പിക്കുന്ന പുനർഗേഹം പദ്ധതിയുടെ ഭാഗമായി ജില്ലയിൽ മോട്ടിവേറ്റർ തസ്തികയിൽ അപേക്ഷ ക്ഷണിച്ചു.കരാർ അടിസ്ഥാനത്തിൽ നിയമനം നടത്തുന്നതിനുള്ള അഭിമുഖം 12ന് രാവിലെ 10.30നും പ്രോജക്ട് കോഓർഡിനേറ്റർ തസ്തികയിലേക്കുള്ള അഭിമുഖം ഉച്ചയ്ക്ക് 2നും നടക്കും.പ്രോജക്ട് കോഓർഡിനേറ്റർ തസ്തികയുടെ യോഗ്യത അംഗീകൃത യൂണിവേഴ്സിറ്റിയിൽ നിന്ന് സോഷ്യൽ വർക്ക് /സോഷ്യോളജി വിഷയത്തിലുള്ള ബിരുദാനന്തര ബിരുദമാണ്. കമ്പ്യൂട്ടർ പരിജ്ഞാനം അധിക യോഗ്യതയായി കണക്കാക്കും.ജില്ലയിലെ മത്സ്യത്തൊഴിലാളി കുടുംബങ്ങളിൽപ്പെട്ടതും ബിരുദ യോഗ്യതയും കമ്പ്യൂട്ടർ പരിജ്ഞാനവുമുള്ളവർക്ക് മോട്ടിവേറ്റർ തസ്തികയുടെ അഭിമുഖത്തിൽ പങ്കെടുക്കാം.പ്രായം 22 നും 45നും മദ്ധ്യേ.താത്പര്യമുള്ളവർ കമലേശ്വരത്തുള്ള ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തിൽ യോഗ്യത തെളിയിക്കുന്ന അസൽ രേഖകൾ,ബയോഡേറ്റ എന്നിവ സഹിതം 12ന് ഹാജരാകണം.ഫോൺ: 0471-2450773.