തിരുവനന്തപുരം: വയനാട്ടിലെ മേപ്പാടി പഞ്ചായത്ത് ദുരന്ത മേഖലയായി പ്രഖ്യാപിച്ചിരിക്കുന്ന സാഹചര്യത്തിൽ അവിടം സന്ദർശിക്കരുതെന്നും അഭിപ്രായം പറയരുതെന്നും ശാസ്ത്ര സാങ്കേതിക സ്ഥാപനങ്ങളോടും ശാസ്ത്രജ്ഞരോടും സംസ്ഥാന ദുരന്ത നിവാരണ അതോറിട്ടി നിർദ്ദേശം നൽകിയെന്നത് സംബന്ധിച്ച വാർത്ത തെറ്റിദ്ധാരണ സൃഷ്ടിക്കുന്നതാണെന്ന് മുഖ്യമന്ത്രി പിണറായി വിജയൻ. അത്തരം ഒരു നയം സംസ്ഥാന സർക്കാരിനില്ല. അത്തരത്തിൽ ബന്ധപ്പെട്ട ഉദ്യോഗസ്ഥർ എന്തെങ്കിലും ആശയവീനിമയം നടത്തിയിട്ടുണ്ടെങ്കിൽ അത് ഉടനെ പിൻവലിക്കാൻ ഇടപെടണമെന്ന് ചീഫ് സെക്രട്ടറിയോട് നിർദ്ദേശിച്ചതായി മുഖ്യമന്ത്രി പത്രക്കുറിപ്പിൽ അറിയിച്ചു. സംഭവം വിവാദമായതിനെ തുടർന്ന് മുഖ്യമന്ത്രി വിഷയത്തിൽ ഇടപെട്ടു,​ തുടർന്ന് രാത്രി ഉത്തരവ് പിൻവലിച്ചു.