കല്ലമ്പലം: മടവൂർ പഞ്ചായത്തിന്റെയും നഗരൂർ പഞ്ചായത്തിന്റെയും അതിർത്തി പങ്കിടുന്ന ചിന്ദ്രനല്ലൂർ - മേൽപേരൂർ ക്ഷേത്രം റോഡ്‌ തകർന്ന്‌ തരിപ്പണമായി. റോഡിനിരുവശവുമുള്ള നൂറോളം കുടുംബങ്ങൾ ഈ റോഡിനെയാണ് ആശ്രയിക്കുന്നത്. നിരവധി വാഹനങ്ങളാണ് നിത്യേന ഇതുവഴി കടന്നുപോകുന്നത്. നിലവിലെ അവസ്ഥയിൽ കാൽനടയാത്രപോലും ദുഷ്ക്കരമാണ്. ഓട്ടോ പോലും ഇതുവഴി സവാരി പോകില്ല. ഇരുചക്രവാഹനങ്ങൾ അപകടത്തിൽപ്പെടുന്നത് പതിവാണ്. റോഡിന്റെ അറ്റകുറ്റപ്പണികൾ നടന്നത് 7 കൊല്ലങ്ങൾക്ക് മുൻപാണ്. വാട്ടർ അതോർട്ടിയുടെ പൈപ്പുകൾ ഇടുന്നതിനുവേണ്ടി റോഡ്‌ നീളെയും കുറുകെയും കീറി മുറിച്ചതോടെയാണ് റോഡ്‌ പൂർണമായും തകർന്ന് അപകടാവസ്ഥയിലായത്.