തിരുവനന്തപുരം: തമ്പാനൂർ സെൻട്രൽ റെയിൽവേ സ്റ്റേഷനിലെത്തുന്ന ഭിന്നശേഷിക്കാരായ യാത്രക്കാർക്കും വയോധികർക്കും പ്രയാസമില്ലാതെ ട്രെയിനിൽ കയറുന്നതിനായി മൊബൈൽ റാമ്പും പ്രത്യേകം രൂപകല്പന ചെയ്ത വീൽചെയറും തയ്യാർ. സ്വർഗ ഫൗണ്ടേഷനും റോട്ടറി ഇ ക്ളബ് ഒഫ് മെട്രോ ഡൈനാമിക്സും സംയുക്തമായി സുഗംയ പദ്ധതിയിലൂടെയാണ് ഇത് നടപ്പാക്കിയത്. സ്റ്റേഷനിലെ ആദ്യത്തെ മൂന്ന് പ്ളാറ്റ് ഫോമുകളിലാണ് ഇത് സജ്ജമാക്കിയിരിക്കുന്നത്. പാലിയം ഇന്ത്യയുടെ ചെയർമാൻ ഡോ.എം.ആർ.രാജഗോപാൽ പദ്ധതി ഉദ്ഘാടനം ചെയ്തു. സ്വർഗ ഫൗണ്ടേഷൻ അംഗം റെനി പ്ളാക്കൽ വില്യം, ഡി.ആർ.എം ഡോ.മനീഷ് തപ്ലിയാൽ, സീനിയർ ഡി.ഒ.എം ഡോ.എ.വിജുവിൻ,സീനിയർ ഡി.സി.എം വൈ.സെൽവിൻ, എസ്.എച്ച്.പഞ്ചാപകേശൻ, പ്രിയങ്ക് തുർക്കർ, കൃഷ്‌ണമൂർത്തി,ജെ.സ്വർണലത,ശിവലാൽ തുടങ്ങിയവർ പങ്കെടുത്തു.