ആറ്റിങ്ങൽ: കുടിവെള്ള ക്ഷാമം രൂക്ഷമായതിൽ പ്രതിഷേധിച്ച് വാട്ടർ അതോറിട്ടി എക്സിക്യുട്ടീവ് എൻജിനിയറുടെ ഓഫീസ് കോൺഗ്രസ് ഉപരോധിച്ചു.അറ്റകുറ്റപ്പണി നടക്കുന്നതിനാൽ ഒരു മാസത്തേക്ക് ബദൽ സംവിധാനമൊരുക്കി കുടിവെള്ള ക്ഷാമത്തിന് പരിഹാരം കാണുമെന്ന് വാട്ടർ അതോറിട്ടി അറിയിച്ചിരുന്നെങ്കിലും നടപടിയൊന്നുമുണ്ടാകാത്തതിൽ പ്രതിഷേധിച്ചാണ് കടയ്ക്കാവൂർ,ശാർക്കര,ചിറയിൻകീഴ് മണ്ഡലം കോൺഗ്രസ് കമ്മിറ്റികളുടെ നേതൃത്വത്തിൽ ഓഫീസ് ഉപരോധിച്ചത്.

തുടർന്ന് സൗജന്യമായി പഞ്ചായത്തുകൾക്ക് കുടിവെള്ളം നൽകാനുള്ള നടപടിക്രമങ്ങൾ കൈക്കൊള്ളാമെന്ന് എക്സിക്യുട്ടീവ് എൻജിനിയർ രേഖാമൂലം അറിയിച്ചു.ബി.എസ്.അനൂപ് സമരം ഉദ്ഘാടനം ചെയ്തു.മണ്ഡലം പ്രസിഡന്റുമാരായ എം.എ.ജബ്ബാർ,സുനിൽ പെരുമാതുറ,മോനി ശർക്കര,കോൺഗ്രസ് നേതാക്കന്മാരായ പുതുക്കി പ്രസന്നൻ,കടയ്ക്കാവൂർ കൃഷ്ണകുമാർ,ഷാഫി പെരുമാതുറ,അഭിലാഷ് ഭജനമഠം,അശോകൻ പഴഞ്ചിറ,ദളിത് കോൺഗ്രസ് ബ്ലോക്ക് പ്രസിഡന്റ് സുജിത് മോഹൻ,പഞ്ചായത്തംഗങ്ങളായ അൻസിൽ അൻസാരി,സജികുമാർ,പെരുംകുളം അൻസാർ,ജയന്തി കൃഷ്ണ ബേബി,മനു മോൻ,സുകു.എസ്,സജി പെരുമാതുറ എന്നിവർ സംസാരിച്ചു.